30 мың оқушы ақылы ҰБТ-ға қатысып жатыр

ҰБТ-ның бірінші күні 9 мың бала тест тапсырып жатыр. Қаңтардағы ҰБТ үш күнге жалғасады. Бұл туралы ҚР БҒМ Ұлттық тестілеу орталығының директоры Рамазан Әлімқұлов мәлімдеді, деп жазды baq.kz. "Бүгін ҰБТ-ға 9 мың бала қатысып жатыр. Жалпы қаңтардағы тестілеуге 36 мыңнан астам адам қатысады. Олардың ішінде негізгі масса - 11-12 сынып оқушылары. 29926 оқушы тапсырып жатыр. 3 мыңы - басқа мамандыққа ауысқысы келетіндер, 3 мың адам - оқуға шартты түрде қабылданғандар. Олар екі профильді пәннен тапсырады",  - деді Әлімқұлов. Ол әр тестілеуде тек қана жаңа тест сұрақтары қолданылатынын айтты. "Жыл сайын 30-50 пайыз көлемінде тест сұрақтарын жаңартып тұрамыз. Жаңа тест сұрақтарын пайдаланамыз. Ешқандай қайталанбайды", - деді Ұлттық тестілеу орталығының директоры.

Серіктес жаңалықтары