ءاليا نازارباەۆا پرەزيدەنت ماراپاتىنا يە بولدى

قازاقستان پرەزيدەنتى نۇرسۇلتان نازارباەۆ تاۋەلسىزدىك كۇنىن تويلاۋ قارساڭىندا استانادا مەملەكەتتىك ناگرادالاردى سالتاناتتى تۇردە تابىستادى، – دەپ حابارلايدى Tengrinews.kz ءتىلشىسى. 

ءاليا نازارباەۆاعا ادەبيەت جانە ونەر سالاسى بويىنشا مەملەكەتتىك پرەميا بەرىلدى. ول «اناعا اپارار جول» تولىقمەتراجدى فيلمىنە قوسقا ۇلەسى ءۇشىن الدى. ءاليا نازارباەۆا ءفيلمنىڭ پروديۋسەرى. ماراپاتتاۋ راسىمىندە پرەزيدەنت ءاليا نازارباەۆانىڭ بەتىنەن ءسۇيدى.

وسىعان دەيىن قازاقستان پرەزيدەنتى 2018 جىلعى ادەبيەت جانە ونەر سالاسىنداعى مەملەكەتتىك پرەميا تاعايىنداۋ تۋرالى زاڭعا قول قويعان ەدى.

سونىمەن قاتار، وسى ماراپاتقا «اناعا اپارار جول» ءفيلمىنىڭ كوللەكتيۆى دە لايىق بولدى: فيلم رەجيسسەرى اقان ساتاەۆ، ستسەناري اۆتورى تيمۋر جاقسىلىقوۆ، ءارتىس التىناي نوگەربەك، اكتەر ءادىل احمەتوۆ.

«بۇگىن ءبىز ەڭ ۇزدىكتەردى، وتاننىڭ ناعىز پاتريوتتارىن ماداقتاپ جاتىرمىز. ولار ەلىمىزدىڭ دامۋ ماقساتىندا بار ەرىك جىگەرىن سالىپ جاتىر. بۇگىن ەلىمىزدىڭ بارلىق وڭىرىندە مەنىڭ اتىمنان ماراپاتتاۋ راسىمدەرى ءوتىپ جاتىر»، – دەدى نۇرسۇلتان نازارباەۆ اقورداداعى ماراپاتتاۋ راسىمىندە.

پرەزيدەنتتىڭ ايتۋىنشا، تاۋەلسىزدىك كۇنىندە ەلىمىزدىڭ 1600 ازاماتى ماراپاتتالادى.

ۇقساس جاڭالىقتار

Back to top button