Дүйсенбі, 28 Қараша, 2022

Жаңғыруға қанша жыл кетер екен?

Павлодар қаласында 333 көшенің 22 пайызы ғана қазақ тілінде. Бұл туралы өңірлік коммуникациялар қызметінде өткен «Тілдерді қолдану мен дамытудың Мемлекеттік бағдарламасын Павлодар облысында жүзеге асыру туралы» баспасөз мәслихатында айтылды.

Облыстық тілдерді дамыту басқармасының басшысы Сәуле Османова айтқандай, жоғарыда аталған мемлекеттік бағдарламаның үлкен бір бөлігі ономастика мәселесіне қатысты.

«Бұл мәселе еліміздің басқа өңірлеріне қарағанда біздің аймақта өте күрделі. Оңтүстік өңірлерде, Маңғыстауда елді мекендер мен көшелердің 90 пайызы қазақ тілінде. Тек қана Павлодар қаласын алсақ, 333 көшенің 22 пайызы қазақша, қалған 78 пайызы орыс тілінде болып тұр», – деп атап өтті басқарма басшысы.

Оның айтуынша, бұл бағыттағы жұмыс мысықтабандап жүргізіліп жатыр. Былтыр облыс бойынша 189 көше атауы, ал биыл 70 көше мен екі ауданның атауы қазақшаға өзгертілген. Лебяжі ауданы – Аққулы, Качир ауданы Тереңкөл деп аталды. «Онымен бірге, қаламызда 99 жыл бойы «Ленин» болып аталып келген көшені Астана деп қайта атадық. Оның өзі үлкен жетістік деп ойлаймын. Жуырда тағы екі көшенің атын өзгерту туралы мәселені облыстық мәслихат депутаттарының қарауына ұсынамыз», – деді ол.

Байқау айқын
Байқау айқын

Ұқсас жаңалықтар

Back to top button