مەملەكەتتىك قىزمەتكەر – ماڭىزدى بۋىن 

جۋىردا الماتى قالاسىنداعى مەملەكەتتىك قىزمەتكەرلەر «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى ەلباسى نۇرسۇلتان نازارباەۆتىڭ حالىققا جولداۋىن تالقىلادى. ءدال وسىنداي جيىندار ەلىمىزدەگى كوپتەگەن مەملەكەتتىك مەكەمەدە وتكىزىلىپ جاتىر.

مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى دە ءوز كەزەگىندە جولداۋدىڭ ءمان-ماڭىزىن ناسيحاتتاۋدا. مەملەكەتتىك قىزمەتكەرلەردىڭ الەۋمەتتىك كەپىلدىكتەرى، مەملەكەتتىك ورگاندار قىزمەتىنىڭ تيىمدىلىگى، مەملەكەتتىك سىبايلاس جەمقورلىققا قارسى ءىس-قيمىل اياسىندا ايتىلعان جولداۋدى ءتۇسىندىرۋ جۇمىستارى بەلسەندى باستالىپ كەتتى. وسىعان وراي، اقپاراتتىق-ناسيحاتتاۋ توبى قۇرىلدى، توپتىڭ قۇرامىنا دەپارتامەنتتىڭ وكىلدەرى، مەديتسينا قىزمەتكەرلەرى، الماتى قالاسىنىڭ ادەپ جونىندەگى ۋاكىلى كىردى. اقپاراتتىق-ناسيحاتتاۋ توبى ءوز جۇمىسىن الماتى قالاسى مەملەكەتتىك كىرىستەر دەپارتامەنتىنىڭ مەملەكەتتىك قىزمەتشىلەرى اراسىندا باستادى.

كەزدەسۋ بارىسىندا دەپارتامەنت باسشىسى دانيار تاۋمۇرات دەنساۋلىق ساقتاۋ سالاسىنىڭ ساپاسى مەن قولجەتىمدىلىگىنە، مەملەكەتتىك قىزمەتتىڭ بەدەلىنىڭ ارتۋىنا، سونداي-اق، مەملەكەتتىك قىزمەتكەرلەرگە الەۋمەتتىك كەپىلدىكتەردى ۇسىنۋ ماسەلەلەرى بويىنشا جولداۋدى ىسكە اسىرۋ جونىندەگى شارالار قابىلدانۋى تۋرالى اتاپ ايتتى. مەملەكەت باسشىسى ايتقانداي، مەملەكەتتىك قىزمەتكەرلەر الدىنا قويعان مiندەتتەردى iسكە اسىرۋ حالىقتىڭ الەۋمەتتىك كوڭىل-كۇيىنىڭ اسا ماڭىزدى كومپونەنتى بولىپ سانالاتىن مەديتسينالىق قىزمەت ساپاسىن ارتتىرۋ ارقىلى جۇزەگە اسىرۋعا بولادى. وسى ماقساتتا، دەپارتامەنت ورتالىق كلينيكالىق اۋرۋحانامەن قالاداعى مەملەكەتتىك قىزمەتكەرلەرگە مەديتسينالىق قىزمەت كورسەتۋ ماسەلەسى بويىنشا مەموراندۋمعا قول قويدى. پرەزيدەنت ءوز جولداۋىندا ماڭىزدى باعىتتاردىڭ ءبىرى مەملەكەتتىك ورگاندار قىزمەتىنىڭ تيىمدىلىگىن ارتتىرۋ قاجەتتىلىگىن اتاپ ءوتتى. بەلگىلى بولعانداي، جىلدىڭ باسىنان رەسپۋبليكانىڭ ءتورت مەملەكەتتىك ورگاندارىندا مەملەكەتتىك قىزمەتكەرلەرگە جالاقى تولەۋدىڭ جاڭا جۇيەسىنىڭ جوباسى ەنگىزىلدى. دانيار تاۋمۇراتتىڭ ايتۋىنشا، جاڭا جۇيەمەن جالاقىنى تولەۋ مولشەرى جۇمىستىڭ سيپاتى مەن كۇردەلىلىگىنە، سونداي-اق، قىزمەت تيىمدىلىگىنىڭ كورسەتكىشتەرىنە جەتۋىنە بايلانىستى. وسى جۇيە بويىنشا مەملەكەتتىك قىزمەتكەردىڭ كىرىستەرى ەكى بولىكتەن قالىپتاساتىنى ايتىلدى. ولار: كەپىلدى لاۋازىمدىق جالاقىدان جانە بونۋستاردان تۇرادى.

فاكتورلىق-باللدىق شكالاسىنىڭ جۇيەسى نەگىزىندە مەملەكەتتىك قىزمەتكەرلەردىڭ ەڭبەكاقىسىنىڭ ءوسۋى ولاردىڭ ەل ءۇشىن ادال جۇمىس ىستەۋىنە موتيۆاتسيانى كوتەرۋدىڭ ءتيىمدى شەشىمى. كەزدەسۋدە ءسوز العان سپيكەرلەر، قالاداعى مەملەكەتتىك ورگاندار جۇمىسىنىڭ وڭ ديناميكاسىن اتاپ ءوتتى. سونداي-اق، دەپارتامەنت اتقاراتىن ەڭبەك جانە الەۋمەتتىك مۇددەلەردى قورعاۋ جۇمىستارى تۋرالى دا ايتىلدى. ادەپ جونىندەگى ۋاكىلدىڭ ماڭىزدى ءرولى اتاپ ايتىلدى، ول مەملەكەتتىك قىزمەتكەرلەردىڭ ادەپتىلىك نورمالارىن ساقتاۋعا، كوللەكتيۆتە قولايلى جاعداي جاساپ، دۇرىس جۇمىسقا باعىتتالعان شارالاردى جۇزەگە اسىرادى. ەلباسى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا: «ۇكىمەتتىڭ ءاربىر مۇشەسى، مەملەكەتتىك ورگاندار مەن كومپانيالاردىڭ باسشىلارى العا قويىلعان مىندەتتەردىڭ ورىندالۋىنا دەربەس جاۋاپ بەرەتىن بولادى» دەگەن بولاتىن. وسى ماقسات-مىندەتتەردى العا تارتقان دەپارتامەنت مۇشەلەرى جيىن بارىسىندا جولداۋدى كەڭ كولەمدە تالقىلادى.

دەپارتامەنتتىڭ باسقارما باسشىسى مەملەكەتتىك قىزمەتكەرلەردىڭ جۇمىسىن باعالاۋدىڭ ماڭىزدى كريتەريلەرىن بەلگىلەپ، جالاقى تولەۋدىڭ جاڭا جۇيەسىنە اسەر ەتۋى تۋرالى جانە تۇرعىنداردىڭ وتىنىشتەرىن قاراۋدا تىعىز ءوزارا ارەكەتتەسۋگە شاقىردى. بەلسەندى تسيفرلاۋ جانە  مەملەكەتتىك قىزمەت كورسەتۋدى  اۆتوماتتاندىرۋى، حالىقپەن مەملەكەتتىك قىزمەتشىلەردىڭ تىكەلەي بايلانىس قۇرالداردىڭ تومەندەۋ نەگىزى رەتىندە، ءتۇسىندىرۋ جۇمىسىنىڭ جۇيەسى، ماقساتتى اۋديتوريالارمەن وقۋ وتكىزۋى كورىنەدى. بۇل سىبايلاس جەمقورلىقتى ازايتادى، جولداۋدا وسىعان ەرەكشە ەكپىن جاسالدى. ەلباسى جەر قورى مەن جىلجىمايتىن م ۇلىك نىساندارى تۋرالى مالىمەتتەردىڭ بىرىڭعاي اقپاراتتىق بازاسىن جاساۋدى تاپسىرعان ەدى. بۇل تۇيتكىلدى ماسەلەدە ءتارتىپ كەرەكتىگىن دە العا تارتقان بولاتىن. وسى ورايدا ولاردىڭ ناقتى ينۆەستورلارعا بەرىلۋى دە ءسوز بولعان. الداعى ۋاقىتتا «سىبايلاس جەمقورلىقتان ادا وڭىرلەر» جوبالارى اياسىندا ەلوردانىڭ جەمقورلىققا قارسى ستراتەگياسىن جۇزەگە اسىرۋ جونىندەگى تاجىريبە باسقا وڭىرلەرگە تارالماق. جيىن بارىسىندا وسى ايتىلعان باعىتتاردىڭ تەتىكتەرى جان-جاقتى قامتىلدى. جالپى، سەمينار قاتىسۋشىلارى پرەزيدەنتتىڭ قازاقستان حالقىنا جولداۋىندا كورسەتىلگەن ماسەلەلەردىڭ ماڭىزدىلىعىن جانە جۇزەگە اسىرۋدا ءوز ىقپالىن تيگىزۋگە دايىندىعىن ءبىلدىردى.

ءدال وسى جيىننان كەيىن الماتى قالالىق كىرىستەر كوميتەتىنىڭ قىزمەتكەرلەرى تاعى ءبىر القالى جيىندا باس قوستى. قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى عۇسمان ءامرين ەلباسى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋى جايىندا كەڭ كولەمدى بايانداما وقىدى. جولداۋدا ايتىلعان ەلەۋلى وزگەرىستەر مەن تىڭ جوبالارعا قولداۋ كورسەتۋ كەرەك، ەل دامۋى مەن جاستار بولاشاعىنىڭ كەپىلى وسىنداي جولداۋلار دەدى ءوز سوزىندە. رەسمي باياندامادان كەيىن قىزمەتكەرلەردىڭ سالىق ماسەلەلەرى مەن مەملەكەتتىك قىزمەت جونىندەگى ساۋالدارىنا جاۋاپ بەرىلدى. جيىننىڭ ەكىنشى بولىگى دوڭگەلەك ۇستەل اياسىندا جالعاسىن تاپتى.

ۇقساس جاڭالىقتار

Back to top button