ءموبيلدى ازاماتتار بازاسى جاڭارتىلدى

ەل ەكونوميكاسىنىڭ باسەكەگە قابىلەتتىلىگىن ارتتىرىپ، حالىقتىڭ ءال-اۋقاتىن كوتەرۋ ماقساتىندا ىسكە اسىرىلىپ جاتقان «تسيفرلى قازاقستان» باعدارلاماسى ءبىرشاما تىڭ جوبالاردى ۇسىنۋدا. سونىڭ ءبىرى – «EgovKzBot» تەلەگرامم-بوتى. «ۇلتتىق اقپاراتتىق تەحنولوگيالار» اق ىسكە قوسقان بوت ارقىلى بۇعان دەيىن 13 مەملەكەتتىك قىزمەت پەن سەرۆيس كورسەتىلەتىن. انىقتاما، الەۋمەتتىك مارتەبەنى تەكسەرۋ مەن بازالىق زەينەتاقى تولەمىنىڭ كولەمى تۋرالى اقپارات الۋ، ەمحاناعا تىركەلۋ، دارىگەرگە جازىلۋ جانە دارىگەردى ۇيگە شاقىرتۋ، سونداي-اق حالىققا قىزمەت كورسەتۋ ورتالىعىندا (حقو) كەزەكتى برونداۋ قىزمەتتەرى سىندى قىزمەتتەر قولجەتىمدى ەدى. ەندى بوت ارقىلى وزىڭىزگە جاقىن جەردە ورنالاسقان حقو تۋرالى ءبىلىپ، سونداي-اق بالا تۋعا بايلانىستى پرواكتيۆتى قىزمەتتەردى الۋ مۇمكىندىگى تۋدى. ياعني،  تۋ تۋرالى كۋالىككە تاپسىرىس بەرۋ، بالا تۋ بويىنشا جاردەم­اقىلاردى راسىمدەۋ جانە ءسابيدى بالاباقشاعا كەزەككە قويۋ ءتىپتى جەڭىلدەي ءتۇستى. ءبىر ارتىقشىلىعى بارلىق اقپاراتتى قولدانۋشىنىڭ ەلەكتروندىق پوشتاسىنا جولداۋ مۇمكىندىگى دە قاراستىرىلعان. eGov.kz پورتالىنىڭ مامىردا ىسكە قوسىلعان تەلەگرام-بوتى ارقىلى قازاقستاندىقتار شامامەن 14 مىڭداي مەملەكەتتىك قىزمەت الدى.

ۇقساس جاڭالىقتار

Back to top button