گولليۆۋدتان التىن العان دومبىرا

«باستاۋ» دومبىراشىلار توبى اقش-تىڭ World Champions Olympic بايقاۋىنا قاتىسىپ ءوز نوميناتسيالارى بويىنشا التىن مەدالعا يە بولدى. بۇل تۋرالى توپ پروديۋسەرى الپامىس ءشارىم حابارلادى.

«بۇل جولدى ءجۇرىپ ءوتۋ قانشالىقتى قيىن ەكەنىن بىلسەڭىزدەر عوي. ءسۇيىنشى! قازاقتىڭ قارا دومبىراسى Hollywood ساxناسىنا شىقتى. «باستاۋ» دومبىراشىلار توبى ءوز نوميناتسيالارىندا التىن مەدالگە يە بولدى. جەڭىسىمىزدى بيىلعى «ۇلتتىق دومبىرا كۇنىنە» ارنايمىز. ءبىزدى قولداعان قازاق ۇلتتىق ۋنيۆەرسيتەتىنىڭ رەكتورى، ونەر جاناشىرى ايمان مۇساxودجاەۆا xانىمعا مىڭ العىس»،- دەدى «باستاۋ» توبىنىڭ پروديۋسەرى الپامىس ءشارىم.

 

گولليۆۋدتان التىن العان دومبىرا

World Championship of Performing Arts – WCOPA حالىقارالىق تالانتتار وليمپياداسى. دەڭگەيى جاعىنان WCOPA دۇنيەجۇزىلىك وليمپيادا ويىندارىمەن تەڭ. ونەر دوداسىنا ءار مەملەكەتتىڭ ەڭ تالانتتى دەگەن ونەرپازدارى قاتىسادى. الەمدىك شوۋ-بيزنەستىڭ استاناسى لوس-اندجەلەستە وسىمەن 22 رەت ۇيىمداستىرىلعان وليمپيادادا 72 مەملەكەتتىڭ وكىلدەرى  باق تالاستىردى. قازاقستان اتالعان جارىسقا العاش رەت قاتىسىپ وتىر.

« 20 جىلدام استام تاريxى بار بايقاۋدىڭ اشىلۋىنا ءتۇرلى ەلدىڭ پرەزيدەنتتەرى قاتىسادى. مەملەكەتتىك ماڭىزى بار شارانىڭ دەڭگەيىن ءبىزدىڭ ەلدە دە كوتەرىپ، كوك تۋىمىزدى الەمدىك ارەنالاردا جەلبىرەتۋ ءۇشىن بارىمىزدى سالامىز. بۇل قازاق ونەرپازدارىنىڭ الەمدىك ارەناعا كورىنۋىنە ۇلكەن جول، ۇلكەن مۇمكىندىك،- دەدى ا. ءشارىم.

 

ۇقساس جاڭالىقتار

Back to top button