Jañalıqtar

TURIZMDİ DAMITUDIÑ JOLI KÖP

Qazaqstanda halıqaralıq turizmdi damıtudıñ keleşegi zor. Eñ äueli bwl salada qızmet körsetu, jolauşılar tasımaldau, türli jeñildikter wsınu qajet ekeni tüsinikti. Osı orayda, «Eyr Astana» wlttıq kompaniyası Astana men Almatı qalalarına şeteldik turisterdi köptep tartu üşin jaña bağdarlamanı qolğa aldı. 

Keşe Almatıda ötken baspasöz mäslihatında äue kompaniyasınıñ ökilderi «Astana men Almatı Stopover Holidey» jobasın tanıstırdı. 

Resmi derekterge jüginsek, qazirgi tañda Qazaqstanğa şetelden keletin ärbir altınşı turist tranzittik jolau­şı eken. Jaña bağdarlama Qazaqstanğa keletin arnayı qonaqtarğa da, bizdiñ jerimizdi basıp ötetin tranzittik jolauşılarğa da qolaylı jağday jasaudı wsınadı.

Bwl bağdarlama halıqaralıq turisterdi tört nemese bes jwldızdı qonaq üyge ornalastıru, äuejaydan kütip alu, eki qalanıñ körnekti jerlerin aralatu siyaqtı qızmet türleri kiredi. Astanada üş qonaq üy, Almatıdağı bes qonaq üyde alğaşqı täulikte ornalasu, tañğı as şamamen 125 AQŞ dolları twrsa, odan keyingi täulikterde bağası 75 AQŞ dollarına deyin tömendetilmek. Almatı men Astanadağı bir kündik ekskursiya üşin eresekterge 85 AQŞ dolları, al balalarğa 45 AQŞ dolların töleu kerek.

Osı bağdarlama ayasındağı turistik paketterdi «Eyr Astana» kompaniyasınıñ baslıq keñselerinde, sonday-aq şeteldik bilet kassalarınan satıp aluğa boladı.

«Eyr Astana» AQ Qazaqstandağı jäne şeteldegi satu jönindegi direktorı Riçard Ledjer jaña bağdarlamanıñ Qazaqstandağı turizmdi damıtuğa aytarlıqtay ıqpal etetinin aytadı. «Biz Qazaqstandı halıqaralıq äue qatınastarı jelisinde turistik bağıt retinde nasihattau mümkindigine ie bolğanımızğa quanamız. Basqa äue jelileriniñ täjiribesine jüginsek, mwnday bağdarlamalar şeteldik turister qatarınıñ artuına jäne sol eldegi turizmniñ damuına äser etedi. Biz Londonnan Gonkongqa nemese Deliden Mäskeuge sayahattağan jolauşılarda Qazaqstan arqılı saparlatıp, bizdegi turistik qızmet türlerin satıp aladı dep ümittenemiz, eldiñ ekonomikası üşin bwl tiimdi bolar edi», – dedi ol baspasöz mäslihatında.

Atalmış bağdarlama boyınşa kelesi jıldıñ soñına deyin qızmet körsetiledi. Oğan deyin turisterge wsınılatın qızmet türleriniñ ayası keñeytile bermek.

«Türkistan-aqparat»

Back to top button