Сирия әскері Самра мен Касаб қалаларын бақылауға алды

Сирия үкіметінің әскері елдің Түркиямен шекарасына жақын орналасқан Латакия провинциясына қарасты Самра мен Касаб қалаларын көтерілісшілерден қайтарды. Сирияның әскерилері 15 маусым күні армия сәуір айынан бері көтерілісшілер бақылауында болып келген Самра мен Касаб қалаларын бақылауына алғаны және Касаб маңында әлі де ұрыс жүріп жатқанын хабарлады. Бұл өңірлерде негізінен армяндар тұратын. Алайда олардың көпшілігі көтерілісшілердің шабуылынан кейін аймақты тастап кеткен.