پحەنيان جۋرناليستەردىڭ كەلۋىنە رۇقسات بەردى

پحۋنگەري يادرولىق پوليگونىنىڭ جابىلۋ شاراسىنا وڭتۇستىك كورەيادان بىرنەشە جۋرناليست كەلەتىن بولدى، دەپ حابارلايدى 24.kz.

بۇگىن سولتۇستىك كورەيا رەسمي ءتىزىمدى قابىلدادى، دەپ حابارلايدى رەيتەرس اگەنتتىگى. وسىعان بايلانىستى ارنايى ءباسپاسوز كونفەرەنتسيا ۇيىمداستىرىلىپ، 8 ءجۋرناليستىڭ ەسىمى اتالدى. ايتا كەتۋ كەرەك، وسىعان دەيىن پحۋنگەري يادرولىق پوليگونىنىڭ جابىلۋىنا بۇقارالىق اقپارات قۇرالدارى وكىلدەرى اراسىندا وڭتۇستىككورەيالىقتار جوق ەدى. ويتكەنى رەسمي پحەنيان كورەيا رەسپۋبليكاسى جىبەرگەن ءتىزىمدى بىرنەشە رەت قابىلدامادى. بۇعان ۆاشينگتون مەن سەۋل اراسىنداعى بىرىككەن اسكەري وقۋ-جاتتىعۋ جۇمىستارى سەبەپ بولدى.

ەسكە سالا كەتەيىك، پوليگوننىڭ جابىلۋى مامىردىڭ 23-25-ءى ارالىعىندا وتەدى دەپ جوسپارلانعان. بۇل شاراعا رەسەي، اقش، ۇلىبريتانيا، قىتاي جانە وڭتۇستىك كورەيا جۋرناليستەرى قاتىسادى.

بايك تاە-حيۋن، ۇلتتىق بىرلەستىك مينيسترلىگى وكىلى: – كورەي حالىق دەموكراتيالىق رەسپۋبليكاسىنىڭ شەشىمىن قولدايمىز. بۇل پوليگوننىڭ جابىلۋىنا ءبىزدىڭ جۋرناليستەرىمىزدىڭ قاتىسۋى وتە ماڭىزدى. وسى شارا اقش پەن سولتۇستىك كورەيا اراسىندا سامميت ۇيىمداستىرۋعا سەپتىگىن تيگىزەدى دەپ ۇمىتتەنەمىز. كورەي تۇبەگىن جويقىن قارۋدان ازات ايماق ەتۋ كۇنى دە الىس ەمەس.

ۇقساس جاڭالىقتار

Back to top button