Актер әрі спортшы Еркебұлан Тоқтар жанкүйерлеріне көре алмаушылық жайында үндеу жолдап, тіпті жақындарының арасында көре алмайтындары бар екенін ашық айтты.
"Өзбектің жанкүйерлері өз спортшыларын қатты қолдайды. Біздікілер қатты көтеріліп бара жатсаң "Мынау көтеріліп кетті" дейді. Алысқа барудың қажеті жоқ, жақындарым да сондай. Өзім естіп жүрмін. Көтеріліп бара жатсаң, бір жері тырысып қалады екен. Сондайды қою керек, достар. Одан да жарысу керек. Қасындағы біреу көтерілсе, сонымен жарысып, сен де көтерілуің керек", – дейді.
