سولتۇستىك كورەيا يادرولىق سىناق پوليگونىن كوپشىلىكتىڭ كوزىنشە جابادى

23-25 مامىر ارالىعىندا سولتۇستىك كورەياداعى پحۋنگەري پوليگونى رەسمي تۇردە جابىلادى. مۇنداي شەشىمدى ەلدەگى ەڭبەكشىلەر پارتياسىنىڭ ورتالىق كوميتەتى قابىلدادى، دەپ حابارلايدى  24.kz

مالىمەتتەرگە قاراعاندا بۇل وسى كۇندەر ارالىعىندا پوليگون اۋماعىنداعى بارلىق عىلىمي قىزمەتكەرلەر شىعارىلىپ، وعان كىرەتىن جولدىڭ ءبارى جويىلادى. سونىمەن قاتار سىناما جۇرگىزەتىن شاحتالار جارىلىپ، نىسانداردىڭ بارلىعى سۇرىلەدى.

پوليگوندى جويۋ وپەراتسياسىنا وڭتۇستىك كورەيا، قىتاي، اقش، ۇلىبريتانيا جانە رەسەيدىڭ تىلشىلەرى قاتىسىپ، كۋا بولادى دەپ كۇتىلۋدە.

ايتا كەتەيىك، پحۋنگەريدەگى پوليگوندى كوپشىلىك الدىندا جويۋ كەلىسىمى 27 ءساۋىر كۇنى وڭتۇستىك كورەيا پرەزيدەنتى مۋن چجە ين مەن سولتۇستىك كورەيا باسشىسى كيم چەن ىننىڭ كەزدەسۋىندە جاسالدى.

ۇقساس جاڭالىقتار

Back to top button