ارزان يپوتەكا الدىمەن جاس وتباسىلارعا بەرىلۋى مۇمكىن

قر ۇلتتىق بانك توراعاسى دانيار اقىشەۆ پرەزيدەنتكە «7-20-25» باعدارلاماسى تۋرالى ايتىپ بەردى. مەملەكەت باسشىسى اتالعان باستاما اياسىندا ارزان يپوتەكانى الدىمەن جاس وتباسىلارعا بەرۋدى ۇسىندى، دەپ حابارلايدى قازاقپارات ءتىلشىسى.

«باسپانا الدىمەن كىمگە كەرەك؟ ارينە، جاس وتباسىلارعا. مىنە، وسى ساناتتاعى ازاماتتار كوبىرەك ءۇي السىن. باسقالار دا بار. ەڭ باستىسى، يپوتەكانىڭ مەرزىمى بۇرىنعىداي 5-10 جىل ەمەس، 25 جىل بولادى.سوسىن قۇرىلىس كومپانيالارى تۇرعىن ۇيلەردىڭ باعاسىن ءتۇسىرۋى ءتيىس. سوندا قارىز العان ادامنىڭ نەسيەسى دە جەڭىلدەيدى»، – دەدى ن.نازارباەۆ قازاقستان حالقى اسسامبلەياسىنىڭ ءXXVى سەسسياسىندا. قر ۇلتتىق بانك توراعاسى دانيار اقىشەۆتىڭ ايتۋىنشا، جاڭا باعدارلاماعا تەك باسپاناسى جوق ازاماتتار عانا قاتىسا الادى. «ارينە، ءاربىر ادامنىڭ تولەم قابىلەتتىلىگىنە باسا نازار اۋدارىلادى. سەبەبى العان نەسيەنىڭ تولەمدەرىن اي سايىن اۋدارۋ قاجەت. بىزدىڭشە، اتالعان باعدارلاماعا سۇرانىس جوعارى بولادى. سوسىن باستاپقىدا ارزان يپوتەكا تەك جاڭا ۇيلەرگە عانا تارالادى. ۋاقىت وتە كەلە، باعدارلامانى كەڭەيتۋ جاعىن قاراستىرامىز»، – دەيدى د.اقىشەۆ. باس بانكيردىڭ سوزىنە قاراعاندا، استانا، الماتى، اقتاۋ مەن اتىراۋدا ارزان يپوتەكانىڭ شەكتى مولشەرى 25 ملن تەڭگە بولادى. ال باسقا ايماقتار ءۇشىن 15 ملن تەڭگەگە دەيىن جەتەدى. ەسكە سالايىق، پرەزيدەنتتىڭ بەس الەۋمەتتىك باستاماسىن ىسكە اسىرۋعا بايلانىستى «نۇرلى جەر» تۇرعىن ءۇي باعدارلاماسىنا وزگەرتۋلەر ەنگىزىلدى. وسى ۋاقىتتا استاناداعى بەيبىتشىلىك جانە كەلىسىم سارايىندا ەلباسى نۇرسۇلتان نازارباەۆتىڭ توراعالىعىمەن قازاقستان حالقى اسسامبلەياسىنىڭ ءXXVى سەسسياسى باستالدى. پرەزيدەنت استانادا دوستىق ءۇيىن اشۋدى تاپسىردى.

ۇقساس جاڭالىقتار

Back to top button