سالاۋاتتى ءومىر سالتىن بۋكلەت تاراتۋمەن ناسيحاتتاۋدى دوعارۋ قاجەت

قر دەنساۋلىق ساقتاۋ ءمينيسترى ەلجان ءبىرتانوۆ سالاۋاتتى ءومىر سالتىن ناسيحاتتاۋ بويىنشا الەۋمەتتىك ماركەتينگ تاسىلدەرىن سىنعا الدى، دەپ حابارلايدى قازاقپارات ءتىلشىسى.

«بولىنگەن قارجىنى ەشكىمگە قاجەتى جوق بۋكلەتتەر مەن قاعاز ماتەريالدارعا جۇمسايسىزدار. ءبىزدىڭ ماقساتتى توبىمىز – جاستار، بالالار مەن ولاردىڭ اتا-انالارى. ولاردىڭ دەنساۋلىقتارىن نىعايتا ءتۇسۋىمىز كەرەك. ولار قازىر ءتۇرلى اقپارات كوزدەرىن پايدالانادى. ال سىزدەردە سول باياعى بۋكلەتتەر»، – دەدى ءبىرتانوۆ مينيسترلىك القاسىنىڭ كەڭەيتىلگەن وتىرىسىندا ۇلتتىق سالاۋاتتى ءومىر سالتىن قالىپتاستىرۋ ورتالىعىنىڭ باسشىلىعىنا. مينيستر ينتەرنەت پەن الەۋمەتتىك جەلىلەردە سالاۋاتتى ءومىر سالتى يدەياسىن ناسيحاتتاۋ مەن ۇسىنىمداردى جاريالاۋعا كوپ شىعىن كەتپەيتىنىن باسا ايتتى. «بۇل باعىتتا جۇمىس ىستەپ جاتىرمىز. الەۋمەتتىك جەلىدە – ينستاگرام مەن فەيسبۋكتاعى جازىلۋشىلارىمىز كوبەيىپ كەلەدى. جۇگىرۋگە، قادامداردى ساناۋعا، اعزاداعى سۋ تەڭگەرىمىن باقىلاۋعا ارنالعان موبيلدىك قوسىمشالاردى ەنگىزدىك. ولاردى جۇكتەپ السا جەتكىلىكتى»، – دەپ جاۋاپ بەردى مينيسترگە ۇلتتىق سالاۋاتتى ءومىر سالتىن قالىپتاستىرۋ ورتالىعىنىڭ ديرەكتورى ءجاميلا باتتاقوۆا.

ۇقساس جاڭالىقتار

Back to top button