تۇركIستاندا بIر مەكتەپ جابىلىپ قالدى

ەلباسىنىڭ 100 مەكتەپ سالۋ ساياساتىن وڭتۇستiك قازاقستان وبلىسىندا كەرiسiنشە جاعدايدا ورىنداۋعا كوشكەندەي. بۇل جاقتا مەكتەپ سانى كوبەيۋدiڭ ورنىنا ازايىپ بارادى. تۇركiستاندا وسى جاعدايعا ۇلەس قوسپاق بولعاندار تابىلىپ جاتىر. ەل-جۇرتتىڭ امانىندا تۇركiستان قالاسىنىڭ اكiمi بەيبiت سىزدىقوۆ وڭتۇستiك قازاقستان وبلىسىنىڭ اكiمi نۇرعالي اشiموۆكە ءۇشبۋ حات جازىپ جۇرگەندە، وسىنداعى №21 مەكتەپ جابىلىپ قالدى. بۇل جەردە “ايران iشكەندەردiڭ قۇتىلىپ، شەلەك جالاعانداردىڭ تۇتىلعانىنا” قايران قالاسىڭ.

وڭتۇستiك قازاقستان وبلىسى ارنايى ەكونوميكالىق مامانداندىرىلعان سوتىنىڭ 23 شiلدە 2008 جىلى تۇركiستان قالاسىنداعى № 21 مەكتەپتiڭ قىزمەتiن ۋاقىتشا توقتاتۋ تۋرالى شەشiمi شىقتى. شەشiمنiڭ شىعۋىنا تاپسىرىسشىنىڭ باس مەردiگەرگە بەرەشەك قارىزى بولعاندىعى، مەكتەپ عيماراتىنىڭ قابىلداۋ اكتiسiنiڭ جوقتىعى سەبەپ بولعان. بiلiم ورداسى 2006 جىلى اشىلىپتى. قازiرگi كۇندە 76 ۇستاز قىزمەت ەتiپ، 900-گە جۋىق وقۋشى وسى التىن ۇيادا بiلiم الاتىن كورiنەدi.

2004 جىلدىڭ 29 ساۋiرiندە وڭتۇستiك قازاقستان وبلىسىنىڭ ساۋلەت، قۇرىلىس جانە اۋماقتاردا قۇرىلىس سالۋ دەپارتامەنتi تۇركiستان قالاسى، قاراشىق اۋىلدىق وكرۋگiندە 900 ورىندىق مەكتەپ سالۋ ءۇشiن كونكۋرس جاريالايدى. كوميسسيانىڭ قۇرامىنا ما، الدە بiرەۋلەردiڭ وزiنە ۇنادى ما، ايتەۋiر كونكۋرستى وسىعان دەيiن بiراز جەردi شۋلاتقان (تۇركiستاندا سەرiكتەستiك سالعان تۋبەركۋلەز اۋرۋحاناسى وسى كەزگە دەيiن iسكە قوسىلماي تۇر) “تەمiرالi” جاۋاپكەرشiلiگi شەكتەۋلi سەرiكتەستiگi جەڭiپ الدى.

تاپسىرىس بەرۋشi وڭتۇستiك قازاقستان وبلىسىنىڭ بiلiم دەپارتامەنتi سول جىلى اتالمىش مەردiگەرگە 133385،1 مىڭ تەڭگەسiن اۋدارىپ بەرەدi. بiراق ارتىنشا-اق بارماق تiستەپ، وكiنiپ قالادى. بiر جىل وتپەي جاتىپ-اق شۋ شىعادى. بiر-بiرiن سوتقا سۇيرەۋ باستالادى. نەبiر كوميسسيالار قۇرىلادى. جۇمىس كولەمi قايتا ولشەنەدi. جەتپەيتiن جەرi مەن كەمشiن تۇستارىنا اكتiلەر جاسالادى. نە كەرەك، ورىندالماعان جۇمىستاردىڭ كولەمi 100965،0 مىڭ تەڭگەنi قۇرايدى. تاپسىرىس بەرۋشiنiڭ تالاپ-ارىزى بويىنشا وڭتۇستiك قازاقستان وبلىسى مامانداندىرىلعان اۋدانارالىق ەكونوميكالىق سوتى ونى “تەمiرالi” جشس-iنەن وندiرۋگە سىرتتاي ۇكiم شىعارادى.

2005 جىلدىڭ 23 ناۋرىزىندا قالعان جۇمىستار ءۇشiن قايتا 319700،0 مىڭ تەڭگەگە كونكۋرس وتكiزiلەدi. بۇل جولعى تاپسىرىس بەرۋشi “تۇران-قۇرىلىس” مەملەكەتتiك كوممۋنالدىق كاسiپورنى بولىپ تابىلادى. ال جەڭiمپاز بولىپ “تۇركiستان يۋگستروي” جشس-i بەلگiلەنەدi. ارالارىندا كەلiسiم-شارت تۇزiلەدi، اقشالار بiر ەسەپ-شوتتان ەكiنشi ەسەپ-شوتقا تۇسە باستايدى.

2006 جىلعا بيۋدجەتتiك باعدارلاما تولقۇجاتى بويىنشا ورىندالعان جۇمىس كولەمi، قارجىلاندىرىلعانى 108000،0 مىڭ تەڭگەگە ساي كەلەدi. بارلىعى ۇتىپ الۋ، سمەتالىق باعاسى بويىنشا ورىندالاتىن جۇمىس كولەمi – 352120،1 مىڭ تەڭگەنi (32420،1-319700،0) قۇرايدى. “تەمiرالi” جشس-گi 2005 جىلى اككرەديتيۆتەن الىنعان – 53230،0 مىڭ تەڭگەنi 21.05.05 جىلى № 1 تولەم قۇجاتىمەن “تۇركiستان يۋگستروي” جشس-نiڭ ەسەپ شوتىنا اۋدارادى. “تەمiرالi” جشس-نەن ورىندالماعان جۇمىس كولەمi ءۇشiن تولەنگەن 100965،5 مىڭ تەڭگەدەن “تۇركiستان يۋگستروي” جشس-نiڭ كاسساسىنا التى كiرiس كاسسالىق وردەرمەن 2006 جىلى 16000،0 مىڭ تەڭگە ناقتى تۇسەدi. ال قالعان 84964،0 مىڭ تەڭگە وندiرiلمەي قالىپ قويادى. (كەيبiر قۇجاتتاردا 89022457 تەڭگە). مiنە، بار شيكiلiك تە، تiك تە، جiك تە وسى جەردەن باستالادى.

وسى مەزگiلدە قۇرىلىسشىلاردىڭ اراسىنداعى مۇنداي داۋ-دامايدان حابارى جوق مەكتەپ ديرەكتورى و.امiرەەۆ قالا اكiمدiگiندەگi ءبولiم مەڭگەرۋشiسi قىزمەتiن، جىپ-جىلى كابينەتiن تاستاپ ون ونبەس تەحنيكالىق قىزمەتكەرلەرiمەن 2005 جىلدىڭ قازانىنان باستاپ قۇرىلىسشىلارمەن بiردەي جۇمىس iستەيدi.

قالا اكiمiنiڭ قاۋلىسىمەن، بiلiم ءبولiمiنiڭ بۇيرىعىمەن 2006 جىلدىڭ 16 اقپانىندا اتالمىش مەكتەپتiڭ قۇرىلىسى سالىنىپ اياقتالادى. بۇرىنعى وڭتۇستiك قازاقستان وبلىسىنىڭ اكiمi بولات جىلقىشيەۆ، سول كەزدەگi قالا اكiمi مۇحيت اليەۆ “تۇركiستان يۋگستروي” جشس-نiڭ ديرەكتورى ە.سۋلەيمانوۆ مەكتەپ عيماراتىن سالتاناتتى تۇردە اشادى. العاشىندا مەكتەپكە 500-گە جۋىق وقۋشى، 50-گە تارتا مۇعالiم تارتىلادى.

ارينە، و.امiرەەۆ ساۋاتتى ازامات. مەكتەپتiڭ قۇجاتتارىن تۇگەندەۋ قالا اكiمiنiڭ قاۋلىسى بويىنشا قالالىق بiلiم بولiمiنە تاپسىرىلعانىمەن، ول كiسi ءوزi جۇگiرiپ، جيناقتاي باستايدى. بiلiم بەرۋ ليتسەنزياسىن الۋ ءۇشiن وڭتۇستiك قازاقستان وبلىسىنىڭ بiلiم دەپارتامەنتiنە بارادى. ونداعىلار مەكتەپ ديرەكتورىنا مەكتەپتiڭ “مەملەكەتتiك قابىلداۋ اكتiسiن الىپ كەل” دەپ شىعارىپ سالادى. مەكتەپتiڭ قابىلداۋ اكتiسi كەرەك دەپ، “تۇران-قۇرىلىسقا” بارادى. ونداعىلار “ماقتا قىز” ەرتەگiسiندەگiدەي ءارi قاراي يتەرiپ سالادى. ارادا اي، جىل وتەدi… شەڭبەر تۇيىقتالادى. ال، مەكتەپ ديرەكتورى و.امiرەەۆ “ليتسەنزيا كەرەك، مەملەكەتتiك قابىلداۋ اكتiسi كەرەك، مەكتەپكە پارتا كەرەك، ورگتەحنيكا كەرەك…” – دەپ، جان – جاققا حات جازۋدان بiر ساتتە شارشامايدى. بiراق، “جاياۋدىڭ شاڭى شىقپاس، جالعىزدىڭ ءۇنi شىقپاس” دەگەن كۇيگە تۇسەدi. ءوز بەتiنشە تىرباڭداعان ازاماتتىڭ تاسى ورگە دومالامايدى. باسىن تاسقا دا، تاۋعا دا سوعادى. ونىسىنان تۇك شىقپادى. ال، بيلiكتەگi شەنەۋنiكتەر وزدەرiنiڭ iستەرi تىنعان سوڭ، مەكتەپ ديرەكتورىنا “ماڭعىت، اۋزىڭا ساڭعىت” دەپ، جان-جاققا تاراپ كەتتi. مەكتەپ باسشىسى ساندالىپ جۇرگەندە، تۇركiستان قالاسىنىڭ پروكۋرورى ب.ەرجاپپار 16 مامىر 2008 جىلعى شىعىس № 7-12. -10 ۆ-08 ساندى حاتپەن وڭتۇستiك قازاقستان وبلىستىق ارنايى مامانداندىرىلعان ەكونوميكالىق سوتىنىڭ توراعاسى ن.قايىپجانوۆقا تالاپ-ارىز تۇسiرەدi. وندا تالاپ-ارىز جازۋعا “تۇركiستان يۋگستروي” جشس-نiڭ ديرەكتورى ە.سۋلەيمانوۆتىڭ حاتى نەگiز بولىپ وتىرعاندىعىن كەلتiرەدi. ءۇشبۋ حاتتا تاپسىرىس بەرۋشiنiڭ 89022457 تەڭگە بەرمەي وتىرعاندىعى دا ايتىلىپ وتiلەدi جانە مەملەكەتتiك قابىلداۋدان وتپەگەن مەكتەپتە وقۋ پروتسەسiنiڭ ءجۇرiپ جاتقاندىعىن دا اتاپ كورسەتەدi.

ءبارi ءجون، دۇرىس دەيiك. زاڭدىلىقتى ساقتاۋ، قاداعالاۋ پروكۋروردىڭ iسi. ءتول مiندەتi دەسە دە بولادى. سۋلەيمانوۆتىڭ حاتى بويىنشا بۇعان دەيiن دە قالالىق پروكۋراتۋرا تۇركiستان قالاسىنىڭ اكiمدiگiنە، قالالىق بiلiم بولiمiنە، №21-شi مەكتەپكە تەكسەرۋ جۇرگiزگەن. بiراق، مەملەكەتتiك قابىلداۋ پروتسەسiنە قالا اكiمدiگiنiڭ، بiلiم ءبولiمiنiڭ، مەكتەپتiڭ قانداي قاتىسى بار؟ پروكۋراتۋرا نەگiزگi سەبەپتi قۇرىلىستى جۇرگiزگەن ورىنداردان نەگە iزدەمەيدi، بار iسكە تەرەڭ زەرتتەۋ جۇرگiزiپ، iستiڭ بايىبىنا بارمايدى. نەگە؟ №21-شi ورتا مەكتەپتi بارiنە جاۋاپكەر دەپ تاۋىپ، زاڭ بۇزۋشى مەكتەپ پەن ونىڭ باسشىسى دەپ كورسەتەدi. بۇل تۇسiنiكسiز جاعداي.

قولىمىزداعى وڭتۇستiك قازاقستان وبلىسىنىڭ ەكونوميكا جانە بيۋدجەتتiك جوسپارلاۋ دەپارتامەنتi ديرەكتورىنىڭ مiندەتiن اتقارۋشى ب.ىرىسباەۆتىڭ تۇركiستان قالاسىنىڭ بۇرىنعى اكiمi ءا.بەكتاەۆقا جازعان قاتىناس حاتىنىڭ سوڭعى سوزiندە وسى داۋلى ماسەلەگە بىلاي دەپ ناقتى تۇسiنiك بەرگەن. “…وسىعان بايلانىستى اتالعان مەكتەپ قۇرىلىسىنا بيۋدجەتتەن قوسىمشا قارجى ءبولۋ نەگiزسiز ەكەندiگiن حابارلايمىز” دەپ اياقتالادى. قارجىنى قۋ قۇلقىنىنا وتكiزiپ، تالان-تاراجعا سالعان “تەمiرالi” جشس-iنiڭ بىلىقتارىن ەشكiم موينىنا العىسى كەلمەيدi. سوندا ونبەيتiن قارجىنى اكiم قارالار كiمنەن الماق بولدى ەكەن؟ بۇل جوقتان جونۋدىڭ قۇپياسىن تۇسiنبەدiك. بۇل قازىنادان مەكتەپ قۇرىلىسىنا قاجەتتi قارجىنىڭ تولىق ءبولiنiپ قويعاندىعىن كورسەتەدi. ياعني، ءمۇيiزi قاراعايداي دەپارتامەنتتiڭ سوزiنە سەنسەك، “جوعالعان” اقشانى وزگە جاقتان iزدەۋ كەرەك. ادiلدiك iزدەگەن بولسا، زاڭسىزدىقتى تاپقىسى كەلسە، پروكۋراتۋرا وسى ماسەلەگە نەگە قوزعاۋ سالمايدى، تەك نىساناعا بiلiم ورداسىن الماي.

پروكۋراتۋرانىڭ تالاپ-ارىزىمەن سوت بiر مەكتەپتiڭ تاعدىرىن شەشتi دە تاستادى. ياعني، №2ە-1264/08 ساندى ازاماتتىق iس بويىنشا وڭتۇستiك قازاقستان وبلىسى، تۇركiستان قالاسى، قاراشىق اۋىلى، بالتاكول تاسجولى، نومەرسiز ۇيدە ورنالاسقان “№21-شi ورتا مەكتەبi” مەملەكەتتiك مەكەمەسiنiڭ قىزمەتiن كەمشiلiكتەردi جويعانعا دەيiن ۋاقىتشا توقتاتۋعا دەپ 23 ماۋسىم 2008 جىلى شەشiم شىعاردى. دەگەنمەن مەكتەپ باسشىسىن – جاۋاپكەردi ماجiلiسكە شاقىرۋ، شاقىرماۋدى سوتتىڭ ءوزi شەشەر. بiراق، و.امiرەەۆ سوتتىڭ مۇنداي شەشiمi شىققانى تۋرالى جاڭا وقۋ جىلى باستالىپ كەتكەننەن كەيiن سوت ورىنداۋشىلارى كەلگەننەن سوڭ حاباردار بولادى. مەكتەپتi جابۋ تيiستiگiن نەمەسە سوت شەشiمiن تەز ارادا ورىنداماعان جاعدايدا ەرiكسiز تۇردە ورىنداۋ شارالارى قولدانىلاتىندىعى، وسىعان بايلانىستى كەلتiرiلگەن شىعىنداردىڭ مەكتەپ ديرەكتورىنان وندiرiلەتiنi جانە دە قازاقستان رەسپۋليكاسى “اتقارۋشىلىق iس جۇرگiزۋ جانە سوت ورىنداۋشىلاردىڭ مارتەبەسi تۋرالى” زاڭىنىڭ 77-بابىنا سايكەس وندiرiلگەن سومانىڭ 10 پايىزى مولشەرiندە اتقارۋشىلىق سانكتسيا وندiرiلەتiنi، بورىشكەر رەتiندە قازاقستان اكiمشiلiك قۇقىق بۇزۋشىلىق تۋرالى كودەكسiنiڭ 524،525 باپتارىمەن نەمەسە قازاقستان رەسپۋبليكاسى قىلمىستىق كودەكسiنiڭ 362 بابىمەن جاۋاپكەرشiلiككە تارتىلاتىنى ەسكەرتiلەدi. مەكتەپتiڭ بار جاۋاپكەرشiلiگiن ءوز موينىنا العان ديرەكتور و.امiرەەۆتiڭ شاقشاداي باسى شاراداي كۇيگە ءتۇستi. مەكتەپتiڭ جىرتىعىنا جاماۋ بولعان ازاماتتىڭ قازiرگi كۇندە ەڭسەسi ەزiلiپ، جۇيكەسi جۇقارىپ ءجۇر. ال، قارجىنى قارپىپ جەپ، ءوز جاۋاپكەرشiلiگiنە العان iستi اياقسىز ەتiپ، الاياقتىقپەن اينالىسقان كوكەسi مىقتى “تەمiرالi” جشس-گi تۇك بولماعانداي iزiم-عايىم جوعالدى. ولاردىڭ سىبايلاستارى دا بوستاندىقتا تايراڭداپ ءجۇر. بۇل جەردە ءوز اۋماعىندا بولىپ جاتقان iسكە اتقارۋشى بيلiك تە سەلسوق قاراعان. ەندi بولسا iس ناسىرعا شاپتى. سوت شەشiمi ورىندالۋى كەرەك. ول قاراعا دا، حانعا دا قاتىستى. بۇل داۋلى ماسەلە جوعارعى دەڭگەيدەگi شەنەۋنiكتەردiڭ بارiنە بەلگiلi بولدى. وڭتۇستiكتە شاتىرىن شەتتەن تiگiپ، “جانى اشىماستىڭ، باسى اۋىرماس” دەگەندەي، ميىعىنان كۇلiپ وتىرعان ءبولiم، دەپارتامەنت باسشىلارى دا بايقالادى. ادام فاكتورىن ەسەپكە الماي، “زاڭسىز جۇمىس iستەپ وتىرعان اناۋ” دەپ، مەكتەپتi مەڭزەپ وتىرعان پروكۋروردى دا كورiپ وتىرمىز. بiراق، وسى جاعدايدان شىعاتىن جولدى وڭتۇستiكتە ەشكiم تاپپاي جاتقانداي. تiپتi وبلىس باسشىلارى دا ءۇنسiز.

تۇركiستانداعى بiر مەكتەپتiڭ جاعدايى وسىنداي. مۇمكiن ءتۇيiنi تىم شيەلەنiسكەن iستi استانادا وتىرعان ءمۇيiزi قاراعايداي مينيسترلەردiڭ وزدەرi شەشiپ بەرەر.

بالتابەك تYيەتاەۆ

ۇقساس جاڭالىقتار

Back to top button