جاڭالىقتار

الاش ارداقتىلارىنا ارنالدى

استاناداعى «تىلەپ قوبىز» سارايىندا «اق جول» پارتياسى ل.ن.گۋميلەۆ اتىنداعى ەۇۋ-ءنىڭ قولداۋىمەن «ءححى عاسىردا قازاقستان قوعامىن جاڭعىرتۋداعى «الاش» قوزعالىسى يدەيالارىنىڭ وزەكتىلىگى» اتتى عىلىمي-پراكتيكالىق كونفەرەنتسيا وتكىزدى. شاراعا حالىقارالىق «قازاق ءتىلى» قوعامىنىڭ پرەزيدەنتى، فيلولوگيا عىلىمدارىنىڭ دوكتورى، پروفەسسور، قر ۇعا-نىڭ اكادەميگى ومىرزاق ايتبايۇلى، ەۋرازيا ۇلتتىق ۋنيۆەرسيتەتىنىڭ پرفەسسور-عالىمدارى، جەتەكشى الاشتانۋشىلار ديحان قامزابەكۇلى، امانتاي ءشارىپ، قايرات ساق، زيابەك قابىلدينوۆ جانە مىرزاگەلدى كەمەل، اناربەك ورمان، ليۋدميلا جۋلانوۆا، ەكاتەرينا نيكيتينسكايا، ءحانبيبى ەسەنقاراقىزى، قازىبەك يسا، امانگەلدى ايتالى سەكىلدى بەلگىلى عالىمدار مەن قوعام قايراتكەرلەرى قاتىسىپ، جەكە-جەكە بايانداما جاسادى.كونفەرەنتسيا جۇمىسى «الاش» كوشباسشىلارىنىڭ مەملەكەتتىلىككە، ۇلتتىق-مادەني قۇندىلىقتارعا كوز­قاراستارى»، «الاشوردالىقتاردىڭ» ەكونوميكالىق مۇرالارى تۋرالى»، «الاش» كوشباسشىلارىنىڭ ەڭبەك­تەرىندەگى الەۋمەتتىك جاڭعىرتۋ ماسەلەسى» دەگەن تاقىرىپتا ءۇش سەكتسيا بويىنشا جۇرگىزىلدى.

قازاقستاننىڭ «اق جول» دەمو­كراتيالىق پارتياسىنىڭ ءتورا­عاسى ازات پە­رۋاشەۆتىڭ ايتۋىنشا، كونفەرەتسيانىڭ ماقساتى – الاش قوزعالىسىنىڭ، الاشتىڭ كوشباسشى قايراتكەرلەرىنىڭ مەملەكەتتىڭ قۇرىلىسىنا، الەۋمەتتىك-ەكونو­ميكالىق، ۇلتتىق سالالارعا قاتىستى كوزقاراستارىنا بەرىلگەن باعالار مەن پايىمداۋلاردى، عىلىمي تۇجىرىمداردى جاڭا زاماننىڭ تالاپتارىنا، سۇرانىستارىنا ساي زەردەلەۋگە ۇمتىلۋ.

كونفەرەنتسيانىڭ قورىتىندى ۇسىنىمدارى تومەندەگىدەي بولدى: ءاربىر قالادا الاش قايراتكەرلەرىنە ەسكەرتكىشتەر ورناتىلۋى ءتيىس; سەمەيدەگى ەرتىس وزەنىنىڭ سول جاعالاۋىنداعى الاشوردا ۇكىمەتى مەن الاش پارتياسى تۇرعان ۇيگە ەسكەرتكىش تاقتا ورناتىپ، ول ءۇيدى مۇراجايعا اينالدىرۋ كەزەك كۇتتىرمەيتىن ءمانى زور ماسەلە ەكەنى اتاپ ءوتىلدى. جوعارى وقۋ ورىندارىندا الاش يدەياسىن وقىتۋ جۇيەگە اينالۋى كەرەك جانە الاش مۇراسى مەن تاريحى تۋرالى كىتاپتار مەملەكەتتىك تاپسىرىسپەن شىعارىلۋى ءتيىس ەكەندىگى ايتىلدى. سونداي-اق الاش تاقىرىبىنداعى عىلىمي ەڭبەكتەرگە، تاريحي، جۋرناليستىك زەرتتەۋلەرگە ستۋدەنتتەر، جاس عالىمدار جانە جۋرناليستەر اراسىندا بايگە جاريالاپ، ونىڭ قورىتىندىسىن جىل سا­يىن شىعارىپ تۇراتىن بولدى. ءورىستىلدى اۋديتوريالاردى الاشتىڭ باي مۇراسىنا تارتۋ، ۇرەي مەن كۇدىكتەن ارىلتۋ ماقساتىندا ءورىستىلدى بۇقارالىق اقپارات قۇرالدارىندا شىقققان جۇمىستار ءۇشىن بايقاۋدىڭ جەكە نوميناتسياسى بەلگىلەنەتىن بولىپ شەشىلدى. ازات پەرۋاشەۆ مالىمدەگەنىندەي، باس جۇلدەنىڭ قۇنى 1000 000 ء(بىر ميلليون) تەڭگە.

بازاربەك تۇكىباي

استانا

Back to top button