"استانانىڭ ون جىلدىعى" مەدالI تابىس ەتIلدI

1-شiلدە كۇنi اقوردادا ەلباسىنىڭ استانانىڭ نەگiزiن قالاۋشىلارمەن كەزدەسۋi ءوتتi. قازاقستان رەسپۋبليكاسىنىڭ پرەزيدەنتi "استانانىڭ 10 جىلدىعى" مەدالiن جاڭا ەلوردانىڭ قالىپتاسۋى مەن دامۋىنا ۇلەس قوسقان جاندارعا تابىستادى.

"مەن بۇگiن 1995-1998 جىلداردا اقمولاعا قونىس اۋدارىپ، وسى جەردە ەڭبەك ەتكەن كiسiلەردi شاقىردىم. ول كەزدە قيىن زامان بولاتىن، الايدا قيىندىقتاردىڭ بارلىعى جەڭiلدi. ەلوردانىڭ كوشiرiلۋi بiزدiڭ مەملەكەتتiلiگiمiزدiڭ دامۋى ءۇشiن وتە ماڭىزدى ساياسي جانە گەوساياسي شەشiم بولدى"، — دەدi نۇرسۇلتان نازارباەۆ.

"استانانىڭ ون جىلدىعى" مەرەكەلiك مەدالiمەن مينيسترلەر دە ماراپاتتالدى. سالتاناتتى ءراسiم بارىسىندا قر پرەمەر-مينيسترi كارiم ءماسiموۆ زاعيپا باليەۆاعا، مۇحتار قۇل-مۇحاممەدكە، اناتولي دەرناۆويعا، جانسەيiت تۇيمەباەۆقا، نۇرلان ىسقاقوۆقا، اقىلبەك كۇرiشباەۆقا، سەرiك احمەتوۆكە، بەردiبەك ساپارباەۆقا، بولات جامiشەۆكە، ۆلاديمير بوجكوعا، باقىت سۇلتانوۆقا، ساۋات مىڭباەۆقا تابىستادى.

سونداي-اق، "استانانىڭ ون جىلدىعى" مەدالiمەن بiرقاتار مادەنيەت پەن ونەر قايراتكەرلەرi، بۇقارالىق اقپارات قۇرالدارى وكiلدەرi دە ماراپاتتالدى.

"ون جىل كوزدi اشىپ-جۇمعانشا وتە شىققان ۋاقىتتىڭ iشiندە الەمدiك قاۋىمداستىقتىڭ الدىندا يميدجiن قالىپتاستىرۋعا ابىرويىن اسىرۋعا استانانىڭ جەتiستiكتەرiن ناسيحاتتاۋعا اقپارات قۇرالدارى، ونىڭ iشiندە اقپاراتتىڭ جۇمىسىن ۇيلەستiرەتiن مينيسترلiكتiڭ تاراپىنان دا وتە ۇلكەن جۇمىس iستەلiندi. سوندىقتان بۇل وتە مارتەبەلi ناگرادا"، —دەپ اتاپ كورسەتتi مادەنيەت جانە اقپارات مينيسترi مۇحتار قۇل-مۇحاممەد.

الماتىنىڭ استاناعا تارتۋى

استاناداعى رەسپۋبليكا داڭعىلى مەن سەيفۋللين كوشەسiندە ساياباقتىڭ اشىلۋ سالتاناتى بولدى. سالتاناتتى ءراسiمدi ەلباسى نۇرسۇلتان نازارباەۆ پەن الماتى قالاسىنىڭ اكiمi احمەتجان ەسiموۆ اشتى.

"بۇگiن ۇلىستىڭ ۇلى كۇنi. بۇگiن ەلباسىنىڭ ارمانى ورىندالىپ، ۇلكەن جەڭiسكە جەتكەن كۇن. ەلباسىنىڭ جەڭiسi ول — ەلدiڭ جەڭiسi، حالىقتىڭ جەڭiسi. بۇل ءبارiمiزدiڭ جەڭiسiمiز. سوندىقتان قۇرمەتتi حالايىق ەلباسىنا قاجىماس قايرات، زور دەنساۋلىق تiلەيiك. قۇرمەتتi نۇرسۇلتان ءابiش ۇلى، بۇگiنگi مەرەيتوي كۇنi ءوزiمiزدiڭ الماتىدان مىناۋ الاڭ، مىناۋ فونتاندار استاناعا الماتىنىڭ سىيى. قابىل الىڭىز"، — دەدi اشىلۋ راسiمiندە احمەتجان ەسiموۆ.

الماتى قالاسىنىڭ سىيىن قابىلداي وتىرىپ، ەلباسى استانا قالاسىنىڭ مەرەكەسiنiڭ بارشا قازاقستاندىقتاردىڭ مەرەكەسi بولعاندىقتان، بارلىق وبلىستارعا استاناعا سىي رەتiندە بiر-بiر ەسكەرتكiشتەن ورناتۋلارىنا تاپسىرما بەرگەندiگi تۋراسىندا دا ايتا كەتتi. الاڭ مەن سۋبۇرقاقتار الماتىنىڭ استاناعا تارتۋى.

"بiز الماتىنى ۇمىتپايمىز، قاستەرلەيمiز. ونىڭ ءوسiپ، كوركەيۋiن وتە قالايمىز. كوپ راحمەت. بۇكiل الماتىلىقتارعا، قالا باسشىلارىنا، اكiمدiگiنە جانە الماتى قالاسىنىڭ اكiمi احمەتجان ەسiموۆكە ۇلكەن راحمەتiمiزدi ايتامىز"، — دەدi ەلباسى.

"استانا — مىڭجىلدىقتار توعىسىندا"

استانادا توي ءدۇبiرi باستالىپ كەتتi. بۇگiندە مەرەكەگە ارنايى كەلگەن شەتەلدiك ماماندار، ەل حالقى، ەلوردانىڭ تۇرعىندارى "استانا مىڭجىلدىقتار توعىسىندا" اتتى كوشپەندiلەر وركەنيەتi جايىنداعى فەستيۆالدi تاماشالاپ جاتىر.

قازاقتا جەتi سانى قاسيەتتi بولىپ سانالادى. جەتi نايزاسى كوك تiرەگەن، قالقانى حالىقتىڭ بiرلiگi مەن تاتۋ تiرلiگiن پاش ەتەتiن قاقپا ارقىلى "كوشپەندiلەر وركەنيەتiنە" بارا الاسىز. فەستيۆالدە استانانىڭ كەشەگiسi مەن بۇگiنi باياندالادى. فەستيۆالدiڭ بiرiنشi ءبولiمi "جەرۇيىق" قويىلىمىمەن اشىلدى. كوش-كەرۋەننiڭ باسىندا 7 جiگiتتiڭ جەتەگiندەگi جەلمايادا كوش يەسi اقساقالدى قاريا وتىر.

8 مىڭ ادامعا ارنالىپ سالىنعان ساياباقتا فەستيۆالدi تاماشالاۋعا كەلگەندەردە شەك جوق. كiرۋ بيلەتiنiڭ قۇنى بار-جوعى 100 تەڭگە. اينالا جاعالاي 6،8،12 قاناتتى 20-دان استام اقشاڭقان كيiز ۇيلەر تiگiلگەن. قولونەرشiلەر، زەرگەرلەر، قىمىزشىلار جانە قۇسبەگi-ساياتشىلار اۋىلى ءتۇتiن تۇتەتiپ تۇر.

دايىنداعان گۇلزينا بەكتاسوۆا

ۇقساس جاڭالىقتار

Back to top button