USAID: قازاقستاندا 15 جىل

بۇگiن قر ۇكiمەتi، دونورلىق ۇيىمدار، جەرگiلiكتi جانە حالىقارالىق كومپانيالار مەن ازاماتتىق قوعامداردىڭ 200-دەن استام وكiلi الماتىدا باس قوسادى. USAID قىزمەتiنiڭ قازاقستانداعى 15 جىلدىق قىزمەتiنە ارنالعان بۇل شاراعا ۆيتسە-پرەمەر ومiرزاق شوكەەۆ باستاعان دەلەگاتسيا استانادان ارنايى ات باسىن بۇرماق.

اتالعان شاراعا اقش-تىڭ قازاقستانداعى توتەنشە جانە وكiلەتتi ەلشiسi دجون وردۆەي، USAID-تىڭ ورتالىق ازياداعى ايماقتىق مiندەتiنiڭ جەتەكشiسi ۋيليام م.فرەي، قر ۆيتسە-پرەمەرi ومiرزاق شوكەەۆ، قر پارلامەنتi ءماجiلiسiنiڭ الەۋمەتتiك-مادەني دامۋ كوميتەتiنiڭ توراعاسى جاقسىلىق دوسقاليەۆ، سەناتورلار بەكسۇلتان تۇتقىشەۆ، ءمۇسiرالi وتەباەۆ، قر ەكونوميكا جانە بيۋدجەتتiك جوسپارلاۋ مينيسترi باقىت سۇلتانوۆ، قر ەنەرگەتيكا جانە مينەرالدىق رەسۋرستار ۆيتسە-مينيسترi دۇيسەنبi تۇرعانوۆ، قر دەنساۋلىق ساقتاۋ مينيسترi اناتولي دەرنوۆوي، قر يندۋستريا جانە ساۋدا مينيسترi ۆلاديمير شكولنيك، قر ادiلەت مينيسترi زاعيپا باليەۆا، قر جوعارعى سوتى قايرات ءمامي، تالعار قالاسىنىڭ اكiمi ساپارحان يساەۆ ت.ب. قاتىسادى.

شارانى ۇيىمداستىرۋعا مۇرىندىق بولعانداردىڭ بiرi – دجون وردۆەي مىرزا: "اقش-تىڭ حالىقارالىق دامۋ جونiندەگi اگەنتتiگi (USAID) – 15 جىل بويى قازاقستانعا كومەك كورسەتiپ كەلگەن اقش ۇكiمەتiنiڭ جەتەكشi اگەنتتiكتەرiنiڭ بiرi" دەدi.

USAID 1961 جىلى امەريكالىق پرەزيدەنت كەننەديدiڭ باستاماسى بويىنشا، قۇراما شتاتتاردىڭ شەتەلدiك مەملەكەتتەرگە كومەك كورسەتۋi ماقساتىندا قۇرىلعان بولاتىن. بۇگiندە اگەنتتiكتiڭ بولiمدەرi الەمنiڭ 100-دەن استام ەلiندە قىزمەت ەتەدi. قازاقستان ەكونوميكاسىنىڭ كوپتەگەن سالالارىن دامىتۋدا، دەنساۋلىق ساقتاۋ سالاسىن رەفورمالاۋدا، باق پەن ازاماتتىق ۇيىمداردى دامىتۋدا ەلەۋلi ۇلەس قوسىپ كەلە جاتقان USAID وكiلدەرi ەلiمiزگە 1992 جىلدىڭ سوڭىندا كەلدi. سونىمەن قاتار اگەنتتiكتiڭ قر ۇلتتىق بانكiنiڭ نىعايۋىنا، كوممەرتسيالىق بانكتەر جۇيەسiنiڭ قالىپتاسۋىنا، شاعىن جانە ورتا كاسiپكەرلiكتi، كاسiپكەرلiك بiلiم بەرۋدi، جەكەشەلەندiرۋ مەن زەينەتاقىلىق رەفورمانى جۇرگiزۋدە، يپوتەكالىق نەسيەلەۋ جۇيەسiن قالىپتاستىرۋدا اتقارعان ەڭبەگi زور.

USAID ەلiمiزدەگi ۇلتتىق دەنساۋلىق ساقتاۋ سالاسىن رەفورمالاۋعا، قۇرت اۋرۋى مەن باسقا دا ينفەكتسيالىق دەرتتەردەن بولاتىن ادام شىعىنىن ازايتۋعا، نارەستەلەردiڭ دۇنيەگە تiرi كەلۋiنiڭ حالىقارالىق قاعيدالارىن قالىپتاستىرۋعا، سپيد دەرتiنiڭ كەڭ تارالۋىنىڭ الدىن الۋعا، انا مەن بالا دەنساۋلىعىن جاقسارتۋعا ىقپال ەتتi.

جاستارعا ارنالعان ازاماتتىق بiلiم بەرۋ باعدارلاماسىن ەنگiزۋگە، جەرگiلiكتi باق پەن ازاماتتىق قوعام ۇيىمدارىن كاسiبي تۇرعىدا دامىتۋعا مۇرىندىق بولعان دا – USAID.

15 جىل iشiندە امەريكا اگەنتتiك ارقىلى قازاقستان ەكونوميكاسىنىڭ ءارتۇرلi سالاسى مەن الەۋمەتتiك سالاسىن دامىتۋ ماقساتىندا 500 ملن. دوللاردان استام قارجى ءبولدi. 2006 جىلدان باستاپ USAID باعدارلامالارى ەكونوميكالىق دامۋ باعدارلاماسى شەڭبەرiندە قر ۇكiمەتiمەن بiرگە قارجىلاندىرىلادى.

ءنازيا جويامەرگەنقىزى

ۇقساس جاڭالىقتار

Back to top button