چەمپيوندارعا ارنالعان ءان

جۋىردا، مادەنيەت جانە اقپارات مينيس­ترلىگىنىڭ تاپسىرماسى بويىنشا كونستيتۋتسيا كۇنىنىڭ اياسىندا الماتى قالاسىنىڭ «دوستىق ءۇيى» ەتنوسارالىق قاتىناستار پروبلەمالارىن زەرتتەۋ ورتالىعىنداعى ورىس، سلاۆيان، كازاكتار ورتالىعى مەن قازاقستانداعى دۇنگەن ەتنومادەني ورتالىعى بىرلەسىپ ۇيىمداستىرعان وليمپيادا چەمپيوندارى ءزۇلفيا چينشانلو مەن مايا مانەزانى قۇرمەتتەۋگە ارنالعان سالتاناتتى كونتسەرت ءوتتى. كەشتى جۇرگىزۋشى ورىس، سلاۆيان جانە كازاكتار ورتالىعىنىڭ توراعا ورىنباسارى ا.پ.چەسنوكوۆتىڭ كىرىسپە بايانداماسىنان كەيىن، قازاقستانداعى دۇنگەن ەتنومادەني ورتالىعىنىڭ توراعاسى ا.ۆ.ۆوينتسە قۇتتىقتاۋ ءسوزىن جولدادى.

ۇلىقتاۋ شاراسىنا ءزۇلفيا چين­­شانلو مەن مايا مانەزانىڭ جات­تىق­تىرۋشىسى الەكسەي ني دە قاتىستى. قازاقستاننىڭ بارلىق ۇلتتار وكىلدەرى، اتاپ ايتقاندا − كارىس، قىرعىز، ۇيعىر، تۇرىك، ورىس، ارميان جانە ت.ب. حالىقتار ونەرپازدارى ءوز ونەرلەرىن كورسەتتى. كەشتىڭ سوڭىندا دۇنگەن كومپوزيتورى قامالوۆ ءادىلدىڭ ەكى جەڭىمپازعا ارنالعان ماداقتاۋ ءانىنىڭ تۇساۋكەسەرى بولدى. اۆتور: «ولار، دۇنگەن ۇلتىنىڭ عانا ەمەس، قازاقستاننىڭ جانە بۇكىل مۇسىلمان حالىقتارىنىڭ ماقتانىشىنا اينالعان قىزدار»، − دەپ، ءاننىڭ قايىرماسىندا كورىنىس تاپقان «چينشانلو، مانەزا» دەگەن جولدارى ارقىلى ءوزىنىڭ ءىلتيپاتىن ءبىلدىردى.

جەڭىمپازداردىڭ جات­تىق­تى­رۋشىسى الەكسەي ني: «لوندوننان كەلگەنىمىزگە جيىرما كۇن بولدى. وسى ۋاقىتقا دەيىن قازاقستاننىڭ كوپتەگەن جەرلەرىندە قوناق بولىپ، قۇتتىقتاۋ كونتسەرتتەردى كوردىك. سولاردىڭ ىشىندە بۇگىنگى قويىلعان كونتسەرتتىڭ ورنى ەرەكشە»، − دەپ اتاپ ءوتىپ، ءدان ريزاشىلىعىن ءبىلدىردى.

اينۇر قازتۋعانوۆا،

م.و.اۋەزوۆ اتىنداعى ادەبيەت جانە ونەر ينستيتۋتى

ۇقساس جاڭالىقتار

Back to top button