رەسمي اقپارات

قازاقستانداعى قىتايلار سانى

بۇل كوشi-قون پوليتسياسى ءۇشiن — "مەملەكەتتiك قۇپيا"

2007 جىلدىڭ ميگراتسيالىق ءۇردiسiن قورىتىندىلاعان Iشكi iستەر مينيسترلiگiنiڭ اقپاراتتارى دەپۋتاتتاردى قازاقستانعا كەلiپ جاتقان شەتەلدiكتەردiڭ، سونىڭ iشiندە قىتاي ۇلتىنىڭ كوپتiگiمەن ەلەڭدەتكەن.

"استانا" تەلەارناسىنىڭ "اپتا" اپتالىق-ساراپتامالىق باعدارلاماسىندا تiلشi تورعىن مەلسقىزى ەكi ءتۇرلi قىزىق مالiمەتتi كولدەنەڭ تارتتى. ونىڭ بiرi — "كوشi-قون پوليتسياسى قازاقستان ازاماتتىعىن 12 مىڭ دوللارعا ساتادى" دەگەن قاۋەسەت بولسا، ەكiنشiسi دە، وسى كوشi-قون پوليتسياسىنا قاتىستى، ولار قازاقستانعا كەلگەن قىتايلاردىڭ ناقتى سانىن ايتۋدان جالتارىپ، بۇنى "مەملەكەتتiك قۇپياعا" جاتقىزىپ وتىر. ەكەۋi دە، مەملەكەتتiك قاۋiپسiزدiگiمiزگە نۇقسان كەلتiرەر اقپارات. جالپى، 2007 جىلى قازاقستانعا 1 ميلليونعا جۋىق شەتەلدiك كەلگەن. ونىڭ 250 مىڭنان استامى الماتى قالاسىنا تيەسiلi. الماتىعا كەلگەن شەتەلدiكتەردiڭ 12 مىڭى قىتاي ازاماتتارى كورiنەدi. بiراق، الماتى قالالىق كوشi-قون پوليتسياسىنىڭ ءبولiم باستىعى ايتكەلدi اسانوۆتىڭ سوزiنە سەنسەك، جوعارىداعى 12 مىڭنىڭ 8570-سi ءوزiمiزدiڭ قاراكوزدەر كورiنەدi. ەگەر، بۇل اقپارات شىندىققا جاناسىمدى بولسا، دەپۋتاتتار قازاقتاردىڭ كەلگەنiنە ۇركە قاراپ وتىر ما؟ پولكوۆنيك ايتكەلدi اسانوۆ الماتىعا كەلگەن قىتايلىقتاردىڭ مىڭنان استامى ەڭبەك جانە حالىقتى الەۋمەتتiك قورعاۋ مينيسترلiگi تاراپىنان ەڭبەك ەتۋگە رۇقسات العاندىعىن ايتادى. ياعني، زاڭدى ميگرانتتار.

الماتىعا كەلگەن قىتايلاردىڭ كوبi ەل اراسىندا "باراحولكا" اتانىپ كەتكەن قارا بازاردى ساعالايدى. "باراحولكانى" ارالاپ ءجۇرiپ، قازاقستاندا دا "چايناتاۋننىڭ" پايدا بولعانىن ەرiكسiز مويىندايسىز. تاعى بiر دالەلدەۋدi قاجەت ەتپەيتiن اقيقات، ولاردىڭ كوپشiلiگiنiڭ قازاق قىزدارىنا ۇيلەنiپ جاتقاندىعى. بۇنىڭ ەكi ءتۇرلi ارتىقشىلىعى بار. بiرiنشi، قازاقستان رەسپۋبليكاسىنىڭ ازاماتتىعىن جەڭiلدەتiلگەن تۇردە، ءۇش جىلدىڭ iشiندە الۋىنا مۇمكiندiك الادى، ەكiنشi، مۇنداي نەكەدەن تۋعان بالالار بiردەن قازاق ەلiنiڭ ازاماتى بولۋىنا ەرiكتi. دەمەك، ۇلتى قىتاي سابيلەردiڭ قانشاسى دۇنيەگە كەلiپ جاتقانى بۇگiندە بەيمالiم. ياعني، دەپۋتاتتاردىڭ الدىن الا دابىل قاعۋى وڭدى. بiراق، حالىق قالاۋلىلارى ازiرگە ونىمەن قالاي كۇرەسۋ قاجەتتiگiن ايتا الماۋدا.

قازاقستان ۇكIمەتI 2008 جىلعا ارنالعان شەتەلدIك جۇمىس كۇشIن تارتۋ كۆوتاسىن بەكIتتI

"قازاقستان رەسپۋبليكاسى اۋماعىندا 2008 جىلى ەڭبەك ەتۋ ءۇشiن شەتەلدiك جۇمىس كۇشiن تارتۋعا كۆوتانى رەسپۋبليكا حالقىنىڭ ەكونوميكالىق بەلسەندi بولiگiنە شاققاندا 1،60 پروتسەنت كولەمiندە، سونىڭ iشiندە: بiرiنشi جانە ەكiنشi ساناتتار بويىنشا (ۇيىمداردىڭ باسقارۋشى قۇرامى، جوعارى جانە ورتا كاسiبي بiلiكتi ماماندار) — 0،60 پروتسەنت; ءۇشiنشi ساناتتا (كاسiبي جۇمىسشىلار) — 0،93 پروتسەنت; ءتورتiنشi ساناتتا (ماۋسىمدىق اۋىلشارۋاشىلىعى جۇمىستارىمەن شۇعىلداناتىن جۇمىسشىلار) — 0،07 پروتسەنت بولىپ بەلگiلەنسiن"، دەلiنگەن قاۋلىدا.

"Kazakhstan today".

بيىل كۆوتا بويىنشا 15 مىڭ وتباسى كەلەدI

ەلباسى بيىلعى جىلدىڭ مەملەكەتتiك كوشi-قون كۆوتاسىن ايقىندايتىن جارلىققا قول قويدى. سونداي-اق، 2008 جىلدىڭ 1 قاڭتارىنان ورالمانداردى كۆوتاعا ەنگiزۋدiڭ جاڭا ەرەجەسi جانە ەڭبەك جانە حالىقتى الەۋمەتتiك قورعاۋ مينيسترلiگi كوشi-قون كوميتەتi جانىنان ورالمانداردى ينتەگراتسيالاۋ جانە بەيiمدەۋ ورتالىقتارى — مەملەكەتتiك مەكەمەسiن قۇرۋ تۋرالى قاۋلى ءوز كۇشiنە ەندi.

جاڭا قاۋلى بويىنشا، كوشi-قون كۆوتاسىنا ەڭ كوپ بالل جيناعان وتباسى عانا ەنە الادى. بالل ءۇش ءتۇرلi جۇيە بويىنشا ەسەپتەلەدi: ماماندىعى مەن كاسiبi; بiلiم دەڭگەيi جانە كامەلەتكە جاسى تولماعان بالالارىنىڭ سانى. بiلiم دەڭگەيi بويىنشا تاڭ¬داۋ — تەحنيكالىق ورتا، كاسiپتiك ورتا، ورتادان جوعارى جانە جوعارى بiلiمi بارلىعىنا وراي جۇزەگە اسىرىلادى. سونداي-اق، ورالماننىڭ نەمەسە وتباسى مۇشەلەرiنiڭ بiتiرگەن وقۋ ورنىنىڭ سانى ەسەپكە الىنادى. ەگەر، سiز تەحنيكالىق ورتا، كاسiپتiك ورتا جانە ورتادان جوعارى وقۋ ورنىن ءتامامداساڭىز — 2 باللعا يە بولاسىز. ەگەر، وتباسى مۇشەلەرiندە ەكiدەن كوپ جوعارى وقۋ ورنىنىڭ ديپلومى بار بولسا — 5 بالل، بiر عانا جوعارى وقۋ ورنىن بiتiرگەنi تۋرالى كۋالiككە — 3 بالل قويىلادى. وتباسىنىڭ ءاربiر مۇشەسiنە ماماندىعى مەن كاسiبi ءۇشiن — 10 بالل، بiلiمi ءۇشiن — 6 بالل قويىلادى. سونداي-اق، كامەلەتكە تولماعان بەس نەمەسە ودان دا كوپ بالاسى بار وتباسى — 10 بالعا يە بولسا، 3 نەمەسە 4 كامەلەتكە تولماعان بالالارى بار وتباسىلار — 5 بالعا، بiر نەمەسە ەكi بالاسى بارلارى — 3 بالعا يە بولا الادى.ۇپاي سانى "ورالمان" ەلەكتروندى بازاسىنداعى ءاربiر وتباسىنىڭ مالiمەتi بويىنشا انىقتالادى.

سونداي-اق، اتالعان قاۋلى بويىنشا، ورالمانداردى ينتەگراتسيالاۋ جانە بەيiمدەۋ ورتالىقتارىن قۇرۋ جوسپارلانعان. ونداي ورتالىقتار قاراعاندى، شىمكەنت قالالارىندا جانە وڭتۇستiك قازاقستان وبلىسىنىڭ اقسۋكەنت اۋىلىندا اشىلماق. ولار ەڭبەك جانە حالىقتى الەۋمەتتiك قورعاۋ مينيسترلiگiنە بولiنگەن مەملەكەتتiك بيۋدجەتتەن قارجىلاندىرىلاتىن بولادى.

وتكەن جىلى وڭتۇستIك قازاقستان وبلىسىنا 15 مىڭ ورالمان كەلگەن

ەلباسىنىڭ جارلىعى بويىنشا، وڭتۇستiك قازاقستان وبلىسى 2765 وتباسىن نەمەسە 14907 ادامدى كۆوتا بويىنشا قابىلداۋى تيiس بولاتىن. وڭتۇستiك قازاقستان وبلىسىنىڭ كوشi-قون جونiندەگi باسقارماسىنىڭ باسشىلارى بۇل جوسپاردى ارتىعىمەن ورىنداعاندىقتارىن ايتادى. كۆوتامەن كەلگەندەرگە جول شىعىندارى، جۇك تاسىمالىنىڭ شىعىنى تولەنiپ، بiر جولعى جاردەماقى بەرiلەدi. بىلتىر ءار وتباسى 715260 تەڭگە جاردەماقىعا يە بولعان.

1991 جىلدان بىلتىرعا دەيiن وڭتۇستiك قازاقستان وبلىسىنا 50 مىڭداي قازاق كەلگەن. ولاردىڭ 88%-ى — وزبەكستاننان، 6%-ى — تاجiكستاننان، 1،6%-ى — تۇركiمەنستاننان، 1،8%-ى — يراننان كەلگەن. ورالماندار نەگiزiنەن شىمكەنت، ماقتارال، سارىاعاش، سايرام اۋداندارىنا ورنالاسۋعا پەيiلدi. كەلگەندەردiڭ 80%-ى وسى اۋداندارعا قونىس تەپكەن.

وقو-عا ورنالاسقان ورالماندار باسپانامەن قامتاماسىز ەتiلiپ، شارۋاشىلىعىن جۇرگiزۋگە كومەكتەر العان. كوپتەگەن وتباسىلار دايىن باسپانانىڭ ورنىنا ۇيمەن بiرگە شارۋاشىلىق iستەرiمەن اينالىسۋ ءۇشiن دەرگە يەلiك ەتكەندi ءجون كورەدi. الەۋمەتتiك باسپاناعا 18 وتباسى قول جەتكiزسە، 764 وتباسىنا جەر تەلiمدەرi بولiنگەن. جاقىن كۇندەرi 987 وتباسىنا ءۇي سالۋىنا، قوسىمشا شارۋاشىلىقپەن اينالىسۋىنا 101 گەكتار جەر ءبولۋ جوسپارلانۋدا. 261 فەرمەرلiك شارۋاشىلىقتى دامىتۋ ءۇشiن وتباسىنا 906 گەكتار جەر تەلiمi بولiنبەك.

بيىل وقو-ىنا بولiنگەن مەملەكەتتiك كوشi-قون كۆوتاسى بويىنشا 3162 وتباسى ورالماق.

"inform.kz"

ۇقساس جاڭالىقتار

Back to top button