اتا جۇرتىن اڭساپ كەلگەن ءانشI

قازاقتىڭ بiرتۋار ءانشi قىزى مايرا مۇحامەدقىزى، تالانتتى بيشi شۇعىلا ساپارعاليقىزىمەن بiرگە پەكين ۋنيۆەرسيتەتiن بiتiرگەن دارىندى ءانشi قىزداردىڭ بiرi – گۇلزيرا بوكەيحانقىزى. ونەر جولى قىتايدىڭ ءۇرiمجi قالاسىندا باستالعانىمەن، قازاقتىڭ ءانiن سۇيەتiن ءانشi قىز اتا جۇرتىنا ورالعان. بۇگiندە ەلورداداعى استانا فيلارمونياسىندا ءان سالادى. ودان قالا بەردi گۋميلەۆ اتىنداعى ەۋرازيا ۋنيۆەرسيتەتiندە ءدارiس وقيدى. الماتىعا كەلگەن ساپارلارىنىڭ بiرiندە گۇلزيرا بوكەيحانقىزىمەن اڭگiمەلەسۋدiڭ ءساتi تۇسكەن ەدi.

– مەن اتامەكەنiمە 1999 جىلى ورالدىم،–دەپ باستادى گۇلزيرا اڭگiمەسiن. – وعان دەيiن پەكيندەگi كونسەرۆاتوريانىڭ ۆوكال ءبولiمiن تاۋىستىم. 1993 جىلى ۇرiمجiدەگi ۇلتتار ءان-بي انسامبلiندە ءان ايتىپ ءجۇرiپ، قوسىمشا سول جەردەگi ونەر ينستيتۋتىندا قىزمەت اتقاردىم. ۇلتتار ءان-بي انسامبلi ءارتۇرلi ۇلتتاردىڭ وكiلدەرiنەن جيناقتالعان. وندا وزبەك تە، ۇيعىر دا، موڭعول دا بار. بiراق، ەسiل-دەرتiم، قازاقستانعا ورالۋ، قازاق ساحناسىندا ءان ايتۋ، قازاقتىڭ تالانتتى ءانشi قىزدارى بيبiگۇل تولەگەنوۆا، روزا باعلانوۆا، روزا جامانوۆا سياقتى اپالارىممەن جۇزدەسۋ، ديدارلاسۋ. ول كiسiلەردiڭ ديدارلارىن كورمەسەم دە، راديودان اندەرiن ەستiپ وستiك. بiزدiڭ جاقتا تەلەديدار كورسەتپەيدi. جالعىز عانا قازاق راديوسى بار. سوعان الدانامىز. ەلدiڭ جاڭالىقتارىن ەستيمiز، انشiلەردiڭ داۋىسىن ەستiپ، ءتانتi بولامىز. ءسويتiپ جۇرگەنiمدە «جوعارى وقۋ ورىندارىندا اسپيرانت بولماعان ادام مۇعالiم بولا المايدى» دەگەن ساياسات كەلدi. سول ساياساتتىڭ ارقاسىندا، ەلگە كەلiپ، كونسەرۆاتوريانىڭ اسپيرانتۋراسىنا تۇسۋگە مۇمكiندiك تۋدى.

– قىتايدىڭ قاي قالاسىندا تۇردىڭىز؟

– ۇرiمجiدە تۇرعانىممەن، تۋىپ-وسكەن جەرiم قۇلجادا.

– ۇرiمجiدە قازاقتار كوپ تۇرۋشى ما ەدi?

– كوپ تۇرادى. جالپى، قىتايدا ەكi ميلليونعا جۋىق قازاق تۇرادى عوي. 1999 جىلى الماتىڭا كەلگەن سوڭ، ەڭ اۋەلi روزا جامانوۆا اپامدى تاۋىپ الدىم. ول كiسi ماعان قىرىق بەس مينۋتتىق كونتسەرتتiك باعدارلاما دايىنداۋىمدى ءوتiندi. كونتسەرتمەيسترمەن ارنايى دايىنداعان العاشقى كونتسەرتiم دە وسى. سول جىلى كونتسەرتتiك باعدارلامام ءساتتi بولىپ، اسپيرانتۋراعا وقۋعا ءتۇستiم. اسپيرانتۋرانى بiتiرگەننەن كەيiن، استاناداعى گۋميلەۆ اتىنداعى ەۋرازيا ۋنيۆەرسيتەتiنە جۇمىسقا شاقىردى. سول جىلى مىرزاتاي جولداسبەكوۆ اعامىز بiر توپ ونەر ادامدارىن، جاس تالانتتاردى جينادى عوي. سودان بەرi قاراي، استاناداعى فيلارمونيادا جۇمىس iستەيمiن. اسپيرانتۋرادا وقىپ جۇرگەنiمدە «التاي-تارباعاتاي قازاقتارىنىڭ اندەرi» دەگەن تاقىرىپتى بەكiتiپ بەرگەن. قورعاۋ كەرەك دەگەن سوڭ، ونىڭ ۇستiنە قىتايداعى قازاقتاردىڭ اندەرiنەن ەشكiم قورعاماعان عوي. بۇرىنىراقتا ءامينا دەگەن اپامىز قورعاعان ەكەن، ودان كەيiن بۇل تاقىرىپقا ەشكiم بارا قويماپتى. كونسەرۆاتوريانىڭ فولكلور بولiمiندەگi مۇعالiمدەر دە «وسى تاقىرىپ ساعان تانىس قوي» دەگەن سوڭ، بەكiتتiم. ەكi جىلداي وسى تاقىرىبىممەن اينالىستىم، بiراق قورعاي المادىم. ونەر مەن عىلىمدى قاتار الىپ ءجۇرۋ قيىن بولعان سوڭ، ازiرشە انشiلiكپەن اينالىسىپ جۇرگەن جايىم بار. بiراق، ءوزiم زەرتتەپ، جيناقتاعان اندەرiمدi قۇرمانعازى اتىنداعى وركەسترمەن دايىنداپ، ناسيحاتتاپ تا ءجۇرمiن.

– سiزگە اتاجۇرتىڭىزعا كەلۋ قيىن بولعان جوق پا؟

– ونداي قيىن بولعان جوق، اسپيرانتۋرا وقيمىن دەگەن نيەتپەن كەلگەن سوڭ، قينالا قويعام جوق. ونىڭ ۇستiنە قيىن بولسىن، قيىن بولماسىن، اتامەكەنگە ساعىنىپ كەلگەن سوڭ، قيىندىقتىڭ ءبارiن ۇمىتاسىڭ عوي.

– شەتتەن كەلەتiن اعايىنداردىڭ كوبi، سوڭعى كەزدە وكپەلەگiش بولىپ الدى. ولاردىڭ وكپەسiنە قاراساڭىز، ەلگە كەلۋ ءۇشiن كۆوتاعا iلiگۋ كوپ قيىندىق تۋدىراتىن كورiنەدi. ەلگە كەلگەن سوڭ دا، جاعدايىمىز بولماي جاتىر دەگەن وكپەلەرiن ايتادى…

– ونىڭ دا راس. اۋىلداردا تۇراتىن اعايىندار اتاجۇرتىنا كەلۋ ءۇشiن جىل بويى كەزەكتە تۇرادى ەكەن. ودان كەيiن قاراجات جاعىنان قينالۋى مۇمكiن. مەن ءۇرiمجi قالاسىندا تۇرعان سوڭ، ماعان كوپ قيىندىعىن تۋدىرعان جوق.ونىڭ ۇستiنە ەلشiلiكتە وتەتiن كونتسەرتتەردiڭ كوبiنە بارىپ تۇراتىن بولعان سوڭ، ولاردىڭ ءبارi مەنi جاقسى تانيتىن.

– مۇندا سiزدi قالاي قارسى الدى؟

– بiردەن كونسەرۆاتورياعا باردىم عوي. مۇندا كەلگەن سوڭ، ءبارiن نولدەن باستادىم دەسەم دە بولادى. ويتكەنi، مەنiڭ پەكيندە وقىعانىم كلاسسيكالىق ۆوكال بولدى. ال، مۇندا كەلگەن روزا جامانوۆا اپامنان ءبارiن باسىنان باستاۋىما تۋرا كەلدi. وپەرانىڭ قىر-سىرىن جان-جاقتى وقىپ ۇيرەندiم. قازاق اندەرiن قىتايدا دا ورىندايتىنمىن. مۇندا قانشا دەگەنمەن، قازاق جەرi بولعان سوڭ تەرەڭدەپ وقيسىڭ عوي. قازاقستانعا كەلگەن جىلى، ياعني 1999 جىلى اسەت بەيسەۋوۆتiڭ «ارمانداستار» اتتى ءان كەشiنە قاتىستىم. قازاق وركەسترiمەن تۇڭعىش ءان سالعانىم دا سول كەز شىعار. سول جولى بايقاۋدا باس جۇلدەنi جەڭiپ الدىم. ءالi كۇنگە دەيiن، سول جۇلدەنi العانىما تاڭدانام. مۇمكiن، مەنiڭ تالانتىمدى باعالاعان شىعار. بولماسا، مەنi ەشكiم دە تانىمادى عوي. سودان كەيiن «شابىت» فەستيۆالiنە قاتىستىم. ءسويتiپ-ءسويتiپ ونەر الەمiنە ەنە باستادىق قوي.

– اتاجۇرتىڭىزعا وتباسىلارىڭىزبەن بiرگە كەلگەن شىعارسىزدار؟

– العاشىندا جالعىز كەلدiم. كەيiن وتباسىم كەلدi. جالپى، مەنiڭ اكە-شەشەم ءتورت بالا ءوسiرiپ تاربيەلەگەن جاندار. اكەم تاۋ-كەن ينجەنەرi، انام جيىرما بەس جىل دارiگەر بولىپتى. جولداسىم مۇرات ارلەۋشi. قىزىم ايديدار ون جاستا.

– سوندا تۇرمىسقا شىققان بولدىڭىز عوي.

– ءيا. بiراق، جولداسىممەن بiرگە كەلۋگە بiراز قيىندىقتاردىڭ بولعانى راس. اسپيرانتۋرادا وقىپ جۇرگەنiڭدە ونشا جاعدايىڭ دا بولا بەرمەيدi عوي. ەكi جىلدان كەيiن عانا جولداسىم مەن قىزىمدى الىپ كەلدiم. قيىندىق بولمايدى ەمەس، بولادى. بiراق، مۇندا بiرiنشi ۇلت قازاق بولعاننان كەيiن، سول ۇلتتىڭ جەرi، ورتاسى بولعان سوڭ، ءوزiڭدi باقىتتى سەزiنiپ جۇرەسiڭ. كوپتەگەن كەدەرگiلەردi مويىندامايدى ەكەنسiڭ. ونىڭ ءبارi كورگەن تۇستەي ۇمىتىلىپ كەتەدi. پەكيندە تازا قىتايلاردىڭ اراسىندا وقىدىم عوي. جاعدايىم جامان بولدى دەپ ايتا المايمىن. بiراق، وندا بiرiنشi ۇلت بولا قويعان جوقپىز عوي. قىتايدان باسقا ۇلت سونىڭ قول استىندا بولدىق. ال، مۇندا قازاقپىن دەپ كەۋدە قاعا الاسىڭ. بiر جەرگە بارساڭ دا، ەسiك اشىپ كiرسەڭ دە، قازاق وتىرادى. ەڭ باستى باقىت وسى.

– تiلدەن قيىندىق كورمەدiڭiز بە، ماسەلەن، ءارتۇرلi قۇجاتتار تولتىرۋ كەزiندە دەگەندەي…

– تiلدەن قينالعانىم راس. نەگە قازاقشا سويلەمەيدi ەكەن، نەگە قازاقشا جازبايدى ەكەن دەپ ويلايتىنمىن. قازiر قاراسام ول ويىم دۇرىس ەمەس ەكەن. ونىڭ سەبەبi، قازiر مەنiڭ قىتايدا اعالارىم تۇرادى. بiر بالاسى ون تورتتە، بiرەۋi – ون ۇشتە. قازاقشا سويلەي المايدى. سويلەي المايدى ەمەس، سويلەۋگە مۇمكiندiك جوق. سiزدەردەگiدەي جەتپiس جىلدىق وتارشىلدىق قازiر قىتايدا ءجۇرiپ جاتىر. تازا قىتايشا جازۋ كەرەك، قىتايشا سويلەۋ كەرەك. اكە-شەشەسi قانشا قازاقشا سويلەگەنiمەن، مەكتەبi قىتايشا، جۇرگەن ورتاسى قىتايشا. سونداي ساياسات ءجۇرiپ جاتىر. بۇل جاقتاعى قازاقتاردىڭ ورىسشا سويلەگەنiنە ادامدار كiنالi ەمەس، وعان سول كەزدەگi قوعام، سول كەزدەگi زامان كiنالi. بiراق، نيەتi قازاق، كوڭiلi قازاق. مەنiڭ ەشقانداي وكپەم جوق. بiراق، كەيدە قاتتى قىسىلىپ قالام. اسiرەسە، قۇجاتتار تولتىرعاندا..

– سiزدiڭ نەگiزگi ماماندىعىڭىز دەسەك تە بولادى، نەگiزگi جانرىڭىز، وپەرا. بiزدەگi وپەرالىق انشiلەردiڭ جاعدايىن ءوزiڭiز دە بiلەسiز. سونداي ساتتەردە شەت ەلدiڭ ساحناسىنا قايتا كەتiپ قالعىڭىز كەلمەي مە؟

– راس. ماسەلەن، قىتايدا كلاسسيكالىق وپەرا دا، ۇلتتىق وپەرا دا قاتتى دامىعان. مەنiڭ جانىم، جۇرەگiم، داۋىسىم، قازاقتىڭ ۇلتتىق اندەرiنە جاقىن. وپەرا ءانشiسi ەكەنمiن دەپ وتىرا بەرسەم، تاعى بولمايدى عوي. سوندىقتان، قازاقتىڭ حالىق اندەرiن كوبiرەك ورىنداۋعا تىرىسام. بۇل جولدا بيبiگۇل اپاما ەلiكتەيمiن دەسەم دە بولادى. ەۋروپانىڭ وپەراسىن ايت دەگەننەن گورi، قازاقتىڭ ۇلتتىق ونەرiن ورىندا دەسە، وندا كوبiرەك قۋانار ەدiم. ول مەنiڭ جانىما جاقىن. قازاق بولىپ تۇرىپ، قازاق ەلiندە ءان ايتا الماي جۇرگەن دە تالانتتار كوپ. سوعان قاراعاندا، وزiمە كەيدە شۇكiرلiك جاسايمىن.

– ءان ايت دەسە، سiزدە دايىن فونوگرامماڭىزدى الا جۇگiرەسiڭ بە، جوق الدە، تiرi داۋىسىڭىزبەن شىرقاي جونەلەسiز بە؟

– وسى كەزگە دەيiن ۇلكەندi-كiشiلi ساحنالاردا ونەر كورسەتiپ كەلەم. شەت ەلدەن قوناقتار كەلگەندە، پرەزيدەنتتiك وركەسترمەن ءان ايتام. ونداي كەزدە فونوگراممامەن ءان ايتا المايسىڭ عوي. كەيبiر كەزدەردە، اسiرەسە الاڭدا ءان ايتقاندا، فونوگراممانى پايدالانۋعا تۋرا كەلەدi. بiراق، مەن ويلايمىن، بۇل ۇزاققا بارمايدى. ويتكەنi، سەن ءانشi بوپ، ءانشiنiڭ نانىن جەپ جۇرگەننەن كەيiن، ەڭبەكتەنۋiڭ كەرەك. تازا داۋىسپەن ءان ايتقاننىڭ ءوزi راحات ەمەس پە؟ ءاننiڭ قۇدiرەتiن سەزiنەسiڭ. راحاتتاناسىڭ. فونوگراممامەن ءان ايتقان كەزدە، ءاننiڭ وبرازىنا كiرە المايسىڭ. داۋسىڭ بولىپ تۇرىپ، وتiرiك ءان ايتىپ تۇرعانداي بولاسىڭ. قىتايدا، زاڭ بويىنشا، پروفەسسيونال ءانشi وتiرiك ايتپاۋ كەرەك.

– سiزگە شەت ەلدەردەن ۇسىنىس تۇسسە، قالاي شەشiم قابىلدار ەدiڭiز؟

– ەلiمە كەلدiم، ەلiمدە تۇراقتاپ قالدىم. وندا مەن نەگە وزگە ەلدi اڭساۋىم كەرەك؟! مەن قازاقشا، قازاقتىڭ ءانiن ايتام عوي. قازاقتىڭ ءانiن قازاق تىڭداماي ما؟ وسى مەنiڭ نەگiزگi ماقساتىم. بiراز ەلدەرگە گاسترولدiك ساپارلارمەن بارىپ تۇرام. بiراق، ەكi كۇن الىستاسام بولدى، ەلiمدi قايتا ساعىنام.

– رەپەرتۋارىڭىزدى قانداي اندەرمەن تولىقتىرىپ ءجۇرسiز؟

– مەنiڭ تاقىرىبىم، «التاي -تارباعاتاي اندەرi» بولعاننان كەيiن، الپىسقا جۋىق اندەردi جيناقتادىم. ەلدiڭ اۋزىنان جازىپ الدىم، انالارىمىزدان، اجەلەرiمiزدەن ەستiگەن اندەرiمدi نوتاعا تۇسiرە باستادىم. ول جەردە دە قانشاما حالىق كومپوزيتورلارى بار. ماسلەن، «كوك وزەن» دەگەن ءاندi ورىنداپ ءجۇرمiن. ەل جاقسى قابىلدايدى. اپپاق مايتالمانقىزى دەگەن اقىن اپامىز وتكەن ەكەن ومiردەن. ءوزi ءان شىعارعان كiسi. «كوك وزەن« سول كiسiنiڭ ءانi. اسەت نايمانباي ۇلى اعامىز دا سول جاقتا بولدى عوي. سول كiسiنiڭ «ماقپال» دەگەن ءانiنiڭ بۇل جاقتا باسقا نۇسقاسى ايتىلادى. بiزدە باسقاشا نۇسقاسى ورىندالادى. كوپ ايتىلماعان اندەر دە بار. ءوزiمنiڭ عىلىمي تاقىرىبىمنىڭ نەگiزiندە تابىلعان اندەردi ءوزiم ناسيحاتتاۋ ارقىلى ەلگە شىعارعىم كەلەدi.

– بۇل اندەردiڭ كوبiن قاي كەزدە ەستiدiڭiز؟ بالا كەزiڭiزدە اكە-شەشەلەرiڭiزدiڭ، اۋىلداستارىڭىزدىڭ ايتىپ جۇرگەنiنەن ەسiڭiزدە قالعان شىعار. الدە زەرتتەۋ ەڭبەگiڭiزدiڭ ناتيجەسiندە قول جەتكiزدiڭiز بە؟

– جوق. ءان دەگەن بالا كۇنiڭنەن قۇلاقتا قالادى عوي. كەيiن زەرتتەپ جۇرگەنiمدە دە، بiراز اندەردi تاپتىم. ونىڭ ۇستiنە، قىتايدا حالىق اندەرiنiڭ جيناقتارى شىعىپ تۇرادى. ءانشi بولعان سوڭ، وزiمە جيناپ جۇرەم. كەيiنiرەك قىتايدىڭ وزiندە دە كوپ ايتىلا بەرمەيتiن اندەردi جيناقتاپ، جارىققا شىعارا باستادىم. الماتىعا ءان-جيناعىمدى شىعارۋ ماقساتىمەن كەلگەم. وسى ءان جيناعىمدا كوپشiلiك كوپ ەستي بەرمەگەن اندەر جيناقتالعان. ونىڭ اراسىندا «گاۋھارتاس» تا بار.

– قانداي اسپاپتى پايدالاناسىز؟

– ەشقانداي. ۆوكالدى بiتiردiم عوي. ول ءداستۇرلi مەكتەپتەن بولەكتەۋ. بيبiگۇل تولەگەنوۆا اپامىزدىڭ ستيلiندە جۇرەم.

– روزا جامانوۆا العاش سiزدi تىڭداعاندا قانداي پiكiردە بولدى؟

– حابارلاسىپ، ۋاقىتىندا كەلدiم. «اتتەگەن-اي، ون سەگiز جاسىڭدا كەلگەنiڭدە عوي»،–دەپ ايتتى روزا اپا العاش داۋىسىمدى تىڭداعاندا. مۇمكiن مەنەن كەرەمەت قازاقتىڭ ءانشiسiن شىعارعىسى كەلگەن شىعار. سوعان قاراماستان، مەنi دايىنداپ وتكiزدi. قىرىق بەس مينۋتتىق باعدارلاما دايىندادىق. يتاليانىڭ وپەراسىنان باستاپ، اجاردىڭ ارياسىنا دەيiن بەردi. ەمتيحاننان سۇرiنبەي ءوتتiم دەسەم دە بولادى. مەنiمەن بiرگە بiتiرگەن قىز-جiگiتتەر قازiر ەلگە تانىمال ازاماتتار. سونىڭ بiرi تالعات كۇزەمباەۆ قازiر اباي اتىنداعى وپەرا جانە بالەت تەاترىندا.

– انشiلەردiڭ كوبi: «انشiلiك ونەر انامنان كەلدi، اكەمنەن دارىدى» دەپ ايتىپ جاتادى. سول سياقتى، سiزدiڭ دە اتا-اناڭىز وسال جاندار ەمەس شىعار…

– شىڭجاندا ۇلكەن كينوستۋديا بار. سوندا باستى-باستى رولدەردi سومدايتىن اكتەر دالەلحان دەگەن اعامىز. ول كiسi انامنىڭ تۋعان iنiسi. سوعان قاراعاندا، ماعان ونەر ناعاشىلارىمنان دارىدى اۋ دەپ ويلايمىن.

– قىتايداعى قازاقتاردىڭ ومiرiنەن تۇسiرiلگەن فيلمدەرگە قاراساڭىز، قازاقتىڭ ۇلتتىق بوياۋى، ۇلتتىق ناقىشى اڭقىپ تۇرادى. بۇعان قىتايلىقتار قالاي قارايدى؟

– قىتاي سوتسياليستiك مەملەكەت. وندا ءار ۇلتتىڭ قۇقىعى تەڭ. «مادەنيەتiڭدi دامىتا بەر» دەيدi. بiراق، وعان قاراجات بولمەيدi. ويتكەنi، وندا ءار ۇلتتىڭ كينو فەستيۆالi، ونەر سايىسى بولادى. ولار دا جۇمىس جاساۋ كەرەك. بiراق، قىتايدى بiلەسiزدەر عوي، ولار اشىق تۇردە ەشنارسە جاسامايدى. اشىق تۇردە جاساماسا دا، ەلدە قىتايلاندىرۋ ساياساتىن جۇرگiزiپ كەلەدi. بiز، ماسەلەن، قازاقشا وستiك. قازiرگi بالالار قىتاي بوپ كەتiپ جاتىر. ەندi ون-جيىرما جىلدان كەيiن، مۇلدەم قازاقشا بiلمەيتiن بوپ شىعادى. وسىدان بەس-ون جىل بۇرىن قىتايعا تۇرمىسقا شىعۋ مۇلدەم بولمايتىن. بiرەۋدiڭ قىزى قىتايعا تۇرمىسقا شىقسا، ول وتباسىمەن ەشقايسىسى ارالاسپاي قوياتىن، اۋىلدان الاستايتىن. بىلتىر بارعانىمدا بايقاسام، بiرەر قازاقتىڭ قىزى قىتايلارعا تۇرمىسقا شىعىپ جاتىر ەكەن.

– بۇگiنگi زامان نارىقتىڭ زامانى. نارىقتىڭ زاڭى بويىنشا، بارلىعىن دا قالتانىڭ قالىڭدىعى شەشەتiن بولدى. قارجى-قاراجات جاعى سiزدi دە قيناماي ما؟

– قارجى جاعىنان، مەن دە قازiرگi انشiلەر سياقتى كۇي كەشiپ ءجۇرمiن. ايتپاسام بولمايدى، مەن دە تويعا بارام. تويدا دا قانشاما قاۋىم وتىرادى. ول دا كورەرمەن عوي. بۇرىنعىداي ەمەس، قازiر تويلاردىڭ كوبi اراق-شاراپسىز وتەدi. مىرزاتاي جولداسبەكوۆ اعامىز «قىز داۋرەن» دەگەن قىزىنىڭ ۇزاتۋ تويىنا ارناپ، ءان شىعارعان. سول ءاندi ورىنداۋىمدى ءوتiنiپ، كوپ تويلارعا شاقىرىپ جاتادى.

– ءوزiڭiز ءومiر بويى اڭساعان اتاجۇرتىڭىزعا كەلدiڭiز. اتاجۇرتتا ءجۇرiپ، ەندi نەگە قول جەتكiزسەم دەيسiز؟

– قازاقتىڭ ورتاسىندا، قازاقتىڭ بەلدi ءارتiسiنiڭ ورتاسىندا ءجۇرۋدiڭ ءوزi ۇلكەن باقىت ەمەس پە؟ بiر كەزدەرi راديودان عانا داۋىسىن ەستiگەن انشiلەرiمنiڭ ءجۇزiن كوزبەن كورۋ باقىتىنا يە بولدىم. مەندە بۇدان وزگە نە ارمان بولسىن؟! ەندiگi تەك قانا ەڭبەك ەتۋ عانا قالدى. وزiمە جۇكتەلگەن ماقسات-مiندەتiمدi ورىنداپ، كوپتiڭ كوڭiلiنەن شىقسام دەيمiن. قالدىبەك قۇرمانالi دەگەن ونەرگە بiر تابان جاقىن، ونەر دەسە جۇرەگiن سۋىرىپ بەرەتiن جاقسى ازامات بار. ول كiسi قازiر استانادا پروديۋسەرلiك ورتالىق قۇرىپ، انشiلەردiڭ كەشتەرiن وتكiزسەم بە دەپ ويلاپ جاتىر. مەنiڭ دە ءان كەشiمدi وتكiزسەم بە دەيدi. قۇداي بۇيىرتسا، ءبارi دۇرىس بولادى دەپ ويلايمىن.

اڭگىمەلەسكەن گۇلزينا بەكتاسوۆا

ۇقساس جاڭالىقتار

Back to top button