توقاەۆ سەناتتا مەملەكەتتIك تIل كوميسسياسىن قۇردى

سپيكەر بولىپ تاعايىندالعان بويدا سەناتتا مەملەكەتتiك تiل كوميسسياسىن قۇرعان توقاەۆتىڭ بۇل قادامىنا باس يزەگەندەر كوپ. بۇرىن-سوڭدى سەناتتا مۇنداي شارانىڭ قولعا الىنباعاندىعىن ەسكەرە كەتۋ كەرەك.

بۇل سەناتتىڭ قازiرگi سپيكەرiنiڭ مەملەكەتتiك تiلگە العاش كوڭiل ءبولۋi ەمەس. سىرتقى Iستەر مينيسترلiگiن باسقارىپ تۇرعان ساتتە دە قاسىم-جومارت توقاەۆتىڭ باستاماسىمەن قىزمەتكە تاعايىندالاتىن ۇمiتكەرلەردiڭ مەملەكەتتiك تiل بiلiمiن تەكسەرۋ ءۇشiن مينيسترلiكتە اتتەستاتسيالىق كوميسسيا قۇرىلعان ەدi. بۇگiنگi مينيستر ءتاجين ءتورت جىل بويى جۇمىس iستەگەن سول كوميسسيانىڭ تۋىن تۇسiرمەيدi دەپ سەنەمiز. ال توقاەۆ سپيكەر بولىپ تاعايىندالعانىنا بiر اي وتەر-وتپەستەن سەناتتاعى مەملەكەتتiك تiل كوميسسياسىنىڭ تۇساۋىن كەستi.

نەگiزi، كاسiبي ديپلومات، جوعارعى دەڭگەيدەگi ساياساتكەر توقاەۆتىڭ سەناتقا كەلۋiمەن، جوعارعى پالاتاداعى «ءتۇسسiز» ءومiر جانداناتىن سەكiلدi.

پارلامەنت سەناتى ماجiلiسپەن سالىستىرعاندا، بiراز ەرەكشەلەنەدi. ءماجiلiس دەپۋتاتتارى اراسىندا «سەن تۇر، مەن اتايىندار» جيiرەك ۇشىراسسا، سەناتتاعى جاعداي ءسال وزگەشە. سەناتتى پرەزيدەنت پەن ءماجiلiس اراسىنداعى كوپiر دەسەدi كورەگەندەر. مۇنداي پiكiردiڭ تۋىنا پرەزيدەنتتiڭ 7 سەناتوردى ءوزi تاعايىندايتىنى اسەر ەتەتiن بولار. ايتەۋiر سەناتورلاردىڭ جوعارىعا قارايلايتىنى كوزگە كورiنiپ-اق تۇرادى. بiزدiڭشە، بۇل سەناتتىڭ باسشىسىنا دا قاتىستى دۇنيە. بۇعان دەيiن جوعارعى پالاتانى ءو.بايگەلدi، و.ابدiكارiموۆ، ن.ابiقاەۆ سەكiلدi «كولەڭكەدەگi» ساياساتكەرلەردiڭ باسقارىپ كەلگەندiگi دە سەنات قۇرامىنىڭ تۇزiلۋiنە، وتىرىستارىنىڭ وتۋiنە ءوز تاڭباسىن قالدىرعان سەكiلدi.

ال سەنات سپيكەرلiگiنە قاسىم-جومارت توقاەۆ تاعايىندالعاننان كەيiن دەپۋتاتتار اراسىنداعى بەلسەندiلiك تە بايقالعانداي. «كورشiڭە قاراي تۇزەل» دەگەندi، ەندi دەپۋتاتتار «باسشىڭا قاراي تۇزەل» دەپ اۋىستىرىپ ايتۋعا مۇددەلiرەك بولاتىن شىعار. ايتپاقشى، توقاەۆ سەنات وتىرىسىن تولىقتاي مەملەكەتتiك تiلدە وتكiزەدi. بۇعان ءوزiمiز دە كۋا بولدىق. بۇرىن رەسمي تiلدە شۇلدiرلەيتiن ر.احمەتوۆ سەكiلدi سەناتورلاردىڭ دەپۋتاتتىق ساۋالدارىن مەملەكەتتiك تiلدە جاساعانىن كورiپ تاڭ قالعانىمىز راس. «باسشىڭا قاراي تۇزەل» دەۋiمiزدiڭ سەبەبi دە وسىندا.

توقاەۆتىڭ سپيكەر بولىپ تاعايىندالۋىنىڭ ءوزi سەناتتىڭ احۋالىن جاقسارتۋعا ارنالعان قادام سەكiلدi بولىپ كورiنەدi.

قازاقستاننىڭ وزگە شەنەۋنiكتەرiمەن سالىستىرعاندا، توقاەۆتىڭ شوقتىعى بيiك ەكەنi بەلگiلi. تiپتi مىنا قاراپايىم مىسال ونىڭ قاندايلىقتى دارەجەدە جۇمىس iستەيتiنiن اڭداتسا كەرەك. كرەسلوسىن اۋىستىرعان سايىن شەنەۋنiكتەردiڭ كومانداسىن ەرتiپ ءجۇرۋi بiزدە ۇردiسكە اينالىپ كەتكەن. ال توقاەۆ سوڭىنان كوماندا ەرتپەيدi ەكەن. بۇل جولى دا سولاي بولدى. ءوز-وزiنە سەنiمدi، كەز كەلگەن اسۋدى باعىندىرا الاتىن تۇلعالاردىڭ قاسيەتi بۇل. وزگە شەنەۋنiكتەر ۇلگi الاتىن-اق جايت.

ءماجiلiس جيىلىستارىندا دەپۋتاتتاردىڭ سپيكەرمەن جيi تاجiكەلەسەتiنiنە نەمەسە سپيكەردiڭ دەپۋتاتتاردىڭ ءسوزiن ەلەڭ ەتپەۋiنە ۇيرەنiپ قالعاندىقتان با، ايتەۋiر بiز سەنات وتىرىسىنا قاتىسقانىمىزدا مۇلدە وزگەشە جايتتى بايقادىق. ول توقاەۆتىڭ وزiنە ءتان ديپلوماتتىعى. الايدا، بۇرىن حالىقارالىق ساياساتتىڭ مايىن iشكەن توقاەۆقا ەندi iشكi احۋالدى سۇزگiدەن وتكiزۋگە تۋرا كەلەتiن شىعار. ويتكەنi، ول حالىق وكiلدەرiنiڭ قاتارىنا قوسىلدى عوي.

توقاەۆتىڭ الداعى قولعا الار شارۋالارىن سەناتورلار بىلايشا بولجايدى:

سۆەتلانا جالماعامبەتوۆا، سەناتور:

— توقاەۆ، مەنiڭشە، پارلامەنتتiڭ، سەناتتىڭ حالىقارالىق قاتىناستارىن نىعايتىپ، باسقا ەل پارلامەنتتەرiمەن قارىم-قاتىناستى ونان بەتەر جانداندىرادى. ەكiنشiدەن، بۇل كiسi ايماقتارمەن تىعىز بايلانىستا جۇمىس iستەۋiمiز كەرەك دەپ وتىر. وتكەندە قابىلداۋىندا بولعانىمدا، ايماقتارعا شىعىپ، حالىقپەن كەزدەسiپ، ولاردىڭ پiكiرلەرiنە، كوزقاراسىنا كوبiرەك نازار اۋدارۋ كەرەك دەگەندi ايتتى. ونىڭ وسى پiكiرi كوڭiلiمنەن شىقتى. ويتكەنi، بiزدiڭ سەنات دەپۋتاتتارىنىڭ ماجiلiسپەن سالىستىرعاندا، جەرگiلiكتi ءماسليحاتتار اتىنان سايلاناتىن ەرەكشەلiگiمiز بار عوي. جەرگiلiكتi ماسليحاتتارمەن بايلانىسىمىزدىڭ وتە تىعىز بولاتىن دا ءجونi بار. توقاەۆتىڭ كەلۋiمەن بiزدiڭ جۇمىس باسقا جاعىنان، جاڭاشا قىرىنان وزگەرiپ داميدى دەپ ويلايمىن.

باقبەرگەن دوسمانبەتوۆ، سەناتور:

— توقاەۆ كەلگەلi ءۇش-ءتورت ەلشiمەن كەزدەسiپ، ەلباسىنىڭ «قازاقستان جولى» اتتى كiتابىنىڭ تۇساۋكەسەرiن وتكiزiپ ۇلگiردi. قازiر سەناتورلارمەن كەزدەسiپ، سۇحباتتاسىپ، تانىسۋ جۇمىستارىن جۇرگiزۋدە. جالپى، قاسىم-جومارت كەمەل ۇلى وتە ساۋاتتى، ۇلكەن ماسشتابتاعى مەملەكەتتiك قىزمەتكەر عوي. ونى ەل بiلەدi. سول قاسيەت-قابiلەتتەرiن ەسكەرسەك، قولعا العان شارۋالارى دا اۋقىمدى بولادى دەپ ويلايمىن.

گۇلنار مۇقانوۆا

ۇقساس جاڭالىقتار

Back to top button