سقو-دا كۋالىكسىز كولىك تىزگىندەگەن 61 جۇرگىزۋشى ۇستالدى

سولتۇستىك قازاقستان وبلىسىندا جۇرگىزۋشى كۋالىگىنەن ايىرىلا تۇرا اۆتوكولىك باسقارىپ جۇرگەن تۇلعالاردى انىقتاۋ ماقساتىنداۇيىمداستىرىلعان  بەس كۇندىك رەيد بارىسىندا تەمىر تۇلپاردى زاڭسىز تىزگىندەگەن 61 ازامات قولعا ءتۇستى، دەپ حابارلايدى 24.kz.

ولاردىڭ تەڭ جارىمىنا جۋىعى سپيرتتىك ىشىمدىك ءىشىپ، رۋلگە وتىرعانى انىقتالدى. اتالعان وپەراتسيا وڭىردە ناۋرىزدىڭ 23-ىنەن 27-ءسى كۇندەرى ارالىعىندا ءوتتى. زاڭدى بەلدەن باسقانداردىڭ ءىسى سوتقا جىبەرىلدى.

«جەدەل الدىن الۋ ءىس-شاراسىن وتكىزۋ بارىسىندا جالپى 1671 جول قوزعالىسى ەرەجەلەرىن بۇزۋشىلىعى انىقتالدى. ونىڭ ىشىندە 21 فاكتىسى كولىك قۇرالىن ماس كۇيىندە جۇرگىزۋ، 61 فاكتىسى جۇرگىزۋ قۇقىعىنان ايىرىلعان جۇرگىزۋشىلەرمەن كولىك قۇرالىن جۇرگىزۋ تىركەلدى. 96 فاكتىسى – كولىك قۇرالىن قۇجاتسىز جۇرگىزۋ. بۇل فاكتىلەر بويىنشا بارلىق اكىمشىلىك ماتەريالدار سوتتا قاراستىرىلۋدا»، – دەيدى وبلىستىق ءىىد جپق اعا ينسپەكتورى بايان بايعاسكينا.

ۇقساس جاڭالىقتار

Back to top button