15 جاستاعى ءجاسوسپىرىم وليمپيادا چەمپيونى اتاندى

15 جاستاعى ءجاسوسپىرىم وليمپيادا چەمپيونى اتاندى 2 بۇگىن وليمپيادا ويىندارىن ۇيىمداستىرۋ كوميتەتى وڭتۇستىك كورەيادا ءوتىپ جاتقان پحەنچحان قالاسىندا ءوتىپ جاتقان الەمدىك باسەكەنىڭ باستى وقيعالارىنىڭ ءبىرىن ايتتى، دەپ حابارلايدى قازاقپارات ءتىلشىسى.  

وليمپيادا تۋى استىندا سىنعا ءتۇسىپ جاتقان رەسەي قۇراماسىنىڭ 15 جاستاعى سپورتشىسى الينا زاگيتوۆا العاشقى التىن مەدالىنە قول جەتكىزدى. وليمپيادا كوميتەتى مۇنى بۇگىنگى كۇننىڭ باستى جاڭالىقتارىنا بالادى. «الينا زاگيتوۆا 18 جاستاعى ءوزىنىڭ وتانداسى ەۆگەنيا مەدۆەدەۆانىڭ الدىن وراپ كەتتى. وسىلايشا ول پحەنچحان وليمپياداسىنداعى ەڭ جاس چەمپيون سپورتشىلاردىڭ ءبىرى اتاندى»، – دەپ جازدى كوميتەتتىڭ ءباسپاسوز قىزمەتى. ەستەرىڭىزگە سالا كەتەيىك، بۇگىن مانەرلەپ سىرعاناۋدان ەركىن باعدارلامادا سىنعا تۇسكەن وتانداسىمىز ەليزابەت تۇرسىنباەۆا قوس سايىس قورىتىندىسى بويىنشا وليمپيادا ويىندارىن 12-ءشى ورىنمەن اياقتاعان بولاتىن.

ۇقساس جاڭالىقتار

Back to top button