ورالدىق اتا-انالار سوتتاسىپ جاتىر

ورالدىق اتا-انالار بالالارىنىڭ مەكتەپكە ورامال تاعىپ بارۋ قۇقىعى ءۇشىن سوتتاسىپ جاتىر. ورالداعى ورتا مەكتەپتەردە وقيتىن ءتورت وقۋشىنىڭ اتا-اناسى قىزدارىنىڭ ءبىلىم مەكەمەسىنە ورامال تاعىپ بارۋ قۇقىعى ءۇشىن سوتتا كۇرەسىپ جاتىر. بۇل تۋرالى اتا-انالاردىڭ مۇددەلەرىن قورعاۋشى ارمان ءابدىراشيت حابارلادى.

زاڭگەردىڭ ايتۋىنشا، اتا-انالار مەكتەپتەردىڭ ىشكى ءتارتىبى مەن ءبىلىم جانە عىلىم ءمينيسترىنىڭ 2016 جىلى 14 قاڭتارداعى جارلىعىنىڭ زاڭدىلىعىن سوت ارقىلى تەكسەرۋدى كوزدەپ وتىر. مينيستر جارلىعىندا «ء;تۇرلى كونفەسسيالاردىڭ ءدىني كيىم ەلەمەنتتەرىن مەكتەپ فورماسىنا قوسۋعا بولمايتىنى» ايتىلعان.

ءابدىراشيت بۇل جارلىق قازاقستان كونستيتۋتسياسىنىڭ «مەملەكەتتىك ءبىلىم مەكەمەلەرىندە تەگىن ءبىلىم الۋ قۇقىعىنا» قايشى ەكەنىن ايتتى. زاڭگەر «وقۋشىلار حيدجاب ەمەس، قازاقتىڭ ۇلتتىق كيىمى – اق ءتۇستى كيمەشەك كيەدى» دەيدى.

شاعىمدانۋشىلاردىڭ ءبىرى اسەت سۇلتان ۇلىنىڭ ايتۋىنشا، ورالداعى № 7 ورتا مەكتەپ باسشىلىعى قازاننىڭ ورتاسىندا ءبىرىنشى سىنىپتاعى قىزىنا باس كيىممەن ساباققا كەلۋگە تىيىم سالعان. قازىر ونىڭ قىزى مەكتەپكە بارمايدى.

اتالعان مەكتەپ ديرەكتورى ۆيكتور پروتاسوۆ بۇعان قاتىستى پىكىر بىلدىرۋدەن باس تارتتى.

 

ۇقساس جاڭالىقتار

Back to top button