سىر ءوڭىرى سۋ تاسقىنىنىڭ الدىن الۋ شارالارىن باستادى

قىزىلوردا وبلىسىندا سۋ تاسقىنىنىڭ الدىن الۋ شارالارى باستالدى، – دەپ حابارلايدى  24.kz ارناسى.

ارنانىڭ حابارلاۋىنشا، قاراشانىڭ جيىرماسىنان باستاپ سىردارياعا قۇيىلاتىن سۋ مولشەرى  ۇلعايادى. سەبەبى قازىرگى ۋاقىتتا قىرعىزستان مەن تاجىكستانداعى سۋ قويمالارى ەرنەۋىنە جەتكەن. سوندىقتان الداعى ۋاقىتتا تومەن قاراي اعاتىن سۋ كولەمى سەكۋندىنا 3 مىڭ تەكشە مەتردەن اسادى دەپ بولجانىپ وتىر.

قازىردىڭ وزىندە قىزىلوردا وبلىسىنىڭ اۋماعىنان سىرداريا وزەنى ارقىلى سەكۋندىنا 930 تەكشە مەتر سۋ ءوتىپ جاتىر. وسىعان وراي وزەن ارناسىنىڭ وسال تۇستارىن نىعايتۋ جۇمىستارى جۇرگىزىلىپ جاتىر. بۇل ماقساتقا وبلىستىق بيۋدجەتتەن 662 ملن تەڭگە ءبولىندى. قاۋىپ ءتونۋى مۇمكىن اۋماقتار قاتارىندا وزەننىڭ قىزىلوردا قالاسى تۇسىنداعى بولىگى بار. بۇل ماڭايعا قازىر قوسىمشا بوگەت تۇرعىزىلىپ جاتىر.

«91 قاۋىپتى ۋچاسكەنىڭ بارلىعى ءبولىنىپ بەرىلگەن. سونىڭ 27-ءسى وبلىس تاراپىنان جاسالىنىپ جاتقان. قازىرگى تاڭدا سونىڭ 20-سى اياقتالىپ تۇر. قالعان جەتەۋىندە جۇمىستار جۇرگىزىلىپ جاتىر. قالعان 62-ءسى «قازسۋشار» رەسپۋبليكالىق مەملەكەتتىك كاسىپورنىنىڭ فيليالى تاراپىنان اتقارىلۋدا، قازىر 40 ۋچاسكەسىندە جۇمىستار اياقتالىپ، قالعاندارىندا جۇمىستار ءجۇرىپ جاتىر. ونىڭ بارلىعىن 20 قازانعا دەيىن اياقتايمىز دەپ كۇتىپ وتىرمىز»،  – دەيدى قىزىلوردا وبلىستىق جۇمىلدىرۋ دايىندىعى باسقارماسىنىڭ باسشىسى سەرىك سەرماعانبەتوۆ.

ۇقساس جاڭالىقتار

Back to top button