كومەككە مۇقتاج وتباسىلارعا قامقورلىق

«نۇر وتان» پارتياسىنىڭ ويىل اۋداندىق فيليالى كوپبالالى وتباسىنىڭ تىنىس-تىرشىلىگىمەن تانىستى. «باقىتتى وتباسى – باقىتتى بالالىق شاق» پارتيالىق جوباسى اياسىندا الەۋمەتتىك جاعىنان از قامتىلعان بالالارعا كومەك كورسەتىلدى. 

بالا ءۇشىن قاتارىنان قالماي ءجۇرۋ، ءبىلىم الۋ – ماڭىزدى. وتباسىنىڭ الەۋمەت­تىك جاعدايى وقۋشى پسيحولوگياسىنا كەرى اسەرىن تيگىزبەۋى ءۇشىن، ويىل اۋدان­­دىق ماسليحاتىنداعى «نۇر وتان» پار­­­تياسى دەپۋتاتتىق فراكتسياسىنىڭ­ مۇشەلەرى كومەككە مۇقتاج وتباسى بالالارىن ءوز باقىلاۋىنا الدى.
دەپۋتاتتار الدىمەن 3 بالانى پاترونات­تىق تاربيەگە الىپ وتىرعان ەرجان وتەگەنوۆتىڭ ۇيىنە باردى. «جولداسىم گۇلدانا ەكەۋمىز 5 بالا تاربيەلەپ وتىرمىز. اپام مەزگىلسىز دۇنيەدەن وتكەن سوڭ، ونىڭ ءۇش بالاسىن، جيەندەرىمىزدى باۋىرىمىزعا باستىق. ولاردىڭ بارلىعى مەكتەپتە وقيدى. اجەسى جاڭاگۇل بالالارعا باس-كوز بولىپ وتىر. ءوزىمنىڭ تۇراقتى جۇمىسىم جوق. قۇرىلىستا جۇمىس ىستەپ، ناپاقا تابامىن»، – دەدى ەرجان وتەگەنوۆ.

اناسىنان ايىرىلعان بالالارعا قامقور بولىپ وتىرعان وتباسى ۇيگە گاز كىرگىزۋ جۇمىستارىمەن ءجۇر. كۇز كەلىپ، قىس جاقىنداعان كەزدە قۇجاتتاردى راسىمدەۋ جۇمىسى ۇزاققا سوزىلىپ كەتتى. الداعى ۋاقىتتا دەپۋتاتتار وتەگەنوۆتەرگە كومەك بەرىپ، ءۇي جىلىتۋ ماسەلەسىن ۋاقىتىلى شەشپەك. سونىمەن قاتار وقۋشىلاردىڭ كەرەك-جاراعى دا جەتكىزىلىپ بەرىلمەكشى.
ويىل اۋدانىنداعى حاليدۋلليندەر وتباسى دا 6 بالا تاربيەلەپ وتىر. بۇل ءۇيدىڭ كىشكەنتايى اۋىرىپ، ەم ىزدەپ ءجۇر. اۋداندىق اۋرۋحانانىڭ باس دارىگەرى ساندىبەك نۇرباەۆ دياگنوستيكا جانە ەمدەۋ شاراسىن قولعا الىپ، ءسابيدىڭ دەرتىنە داۋا ىزدەۋدە. دەپۋتاتتار بيسۇلتانوۆتار وتباسىنا دا كىردى. قىسقا قاجەتتى وتىن جەتكىزۋگە پارتيا مۇشەلەرى كومەك بەرەتىن بولدى.

– از قامتىلعان جانە كوپبالالى 3 وتباسىنا ازىق-ت ۇلىك اپارىپ بەردىك. ولاردىڭ ءوتىنىش-تىلەكتەرىن تىڭداپ، ونى شەشۋ جولدارىن قاراستىرامىز. كومەككە مۇقتاج وتباسىلار ۇنەمى پارتيالىقتاردىڭ قامقورلىعىندا بولادى، – دەدى پارتيانىڭ ويىل اۋداندىق فيليالى توراعاسىنىڭ ءبىرىنشى ورىنباسارى ەركىن جيەنالين.

ۇقساس جاڭالىقتار

Back to top button