بالالاردى قۋانتقان كۇن

«الاتاۋ» ءداستۇرلى ونەر تەاترى كينوزالىنىڭ اشىلعانىنا ءبىر جىل تولۋىنا وراي، بالالارعا ارنايى كونتسەرتتىك باعدارلاما ۇيىمداستىرىلىپ، تەگىن مۋلتيپليكاتسيالىق فيلم كورسەتىلدى.

قايىرىمدىلىق شاراسىنا الماتى قالاسىنداعى «ءۇمىت» بالالار ءۇيىنىڭ تاربيەلەنۋشىلەرى، №9 ەستۋ قابىلەتى ناشار بالالار مەكتەپ-ينتەرناتىنىڭ وقۋشىلارى، سونداي-اق، الاتاۋ اۋدانىنا قاراستى جالپى ءبىلىم بەرۋ ورىندارى وقۋشىلارى جانە مەكتەپكە دەيىنگى مەكەمەلەردەن 750 اسا تاربيەلەنۋشىلەر قاتىستى.

شارانىڭ ماقساتى – مۇمكىندىگى شەكتەۋلى بالالاردى قوعامدىق ورتاعا تارتىپ، كوپشىلىك نازارىنان تىس قالدىرماي، قولداۋ كورسەتۋ، ۇلتتىق ءداستۇرلى مادەنيەتىمىزدى ناسيحاتتاۋ.

ءىس-شاراعا قازاقستان حالقى اسسامبلەياسى توراعاسىنىڭ ورىنباسارى ابيلفاس مۋسليم ۇلى حامەدوۆ، قازاقستان حالقى اسسامبلەياسى كەڭەسى مۇشەسى، فيلولوگيا عىلىمدارىنىڭ دوكتورى، پروفەسسور، قر كۇردتەر «باربانگ» قاۋىمداستىعىنىڭ توراعاسى كنياز يبراگيم­­­ۇ­لى­ ميرزوەۆ، الماتى قالاسى الاتاۋ اۋدانى اكىمىنىڭ ورىنباسارى سايات بولات ۇلى اعىباەۆ، الماتى قالاسىنىڭ پسيحونەۆرولوگيالىق اۋىتقۋلارى بار مۇگەدەك بالالارعا ارنالعان كۇندىز بولۋ ورتالىعىنىڭ ديرەكتورى نۇرزيا اعابەكقىزى الىمبەكوۆا، «نۇر وتان» پارتياسى الاتاۋ اۋداندىق فيليالى توراعاسىنىڭ ءبىرىنشى ورىنباسارى  مۇحانقالي الماساەۆ قاتىستى.

«ءبىز ءبىر جىل كولەمىندە وسى تەاترمەن تىعىز بايلانىستا جۇمىس جاساپ كەلەمىز. دەمەۋشىلەر تاۋىپ، بالالاردى وسىنداي تەگىن مۋلتفيلم، كينولارىمەن قۋانتىپ جاتىر. سوندىقتان بۇل تەاترعا دەگەن ءبىزدىڭ العىسىمىز شەكسىز»، – دەپ اتاپ ءوتتى ءوز سوزىندە الماتى قالاسىنىڭ پسيحونەۆرولوگيالىق اۋىتقۋلارى بار مۇگەدەك بالالارعا ارنالعان كۇندىز بولۋ ورتالىعىنىڭ ديرەكتورى نۇرزيا الىمبەكوۆا.

كەش بارىسىندا ءداستۇرلى جانە ەسترادا انشىلەرى ونەر كورسەتىپ،  جەتكىنشەكتەر كينوكونتسەرت زالىنان انيماتسيالىق ءفيلمدى تاماشالادى.

ۇقساس جاڭالىقتار

Back to top button