بىشكەكتەگى قازاقستان ەلشىلىگىنىڭ الدىندا نارازىلىق شاراسى ءوتتى

بىشكەكتەگى قازاقستان ەلشىلىگىنىڭ الدىندا 20-25 ادام قازاق-قىرعىز شەكاراسىنداعى جاعدايعا بايلانىستى اكتسيا وتكىزدى، دەپ حابارلادى قر ءسىم ءباسپاسوز قىزمەتى.

 «شىن مانىندە، بۇگىن جەرگىلىكتى ۋاقىت بويىنشا ساعات 10.30 كەزىندە بىشكەكتەگى قازاقستان ەلشىلىگىنىڭ جانىندا 20-25 ادامنىڭ قاتىسۋىمەن پيكەت ءوتتى. اكتسياعا قاتىسۋشىلار ەلشىلىك قىزمەتكەرلەرىنە قازاقستان باسشىلىعىنىڭ اتىنا قازاق-قىرعىز شەكاراسىنداعى جاعداي تۋرالى جازىلعان پەتيتسيا تاپسىردى»، — دەپ حابارلادى ءباسپاسوز قىزمەتى.

ولاردىڭ اتاپ وتۋىنشە، قىرعىز حالقى ەكى ەلدىڭ شەكاراسىنداعى جاعداي تۋرالى تەرىس اقپاراتتاندىرىلعان.

«قازاقستان مەن قىرعىزستاننىڭ ۇكىمەت باسشىلارى 18 قازاندا استانادا وتكەن كەزدەسۋدە ءبىرىنشى كەزەكتە شەكارادان جەكە جۇگى بار ادامداردى، جولاۋشى اۆتوبۋستارىن، جەڭىل اۆتوكولىكەردى، بوس جۇك كولىكتەرىن وتكىزۋ تۋرالى كەلىسىمگە كەلدى. بۇل كەلىسىم ورىندالىپ جاتىر»، — دەپ ەسكە سالدى سىرتقى ىستەر مينيسترلىگى.

«قازاقستاننىڭ پرەمەر-ءمينيسترى باقىتجان ساعىنتاەۆ 25 قازاندا ەرەۆاندا وتكەن ەۋرازيالىق ۇكىمەتارالىق كەڭەستىڭ وتىرىسىندا قازاقستاننىڭ ءوز شەكاراسىندا باقىلاۋدى  كۇشەيتۋ سەبەپتەرى بويىنشا تولىققاندى جاۋاپ بەردى»، — دەپ قوستى مينيسترلىك.

 

ۇقساس جاڭالىقتار

Back to top button