لۋچانو ءپاۆوروتتيدى ەسكە الۋ

الەمدىك وپەرا جۇلدىزى لۋچانو ءپاۆاروتتيدىڭ ومىردەن وزعانىنا بيىل 10 جىل تولدى. وسىعان وراي، «استانا وپەرانىڭ» كامەرالىق زالىندا ۇلى تەنوردى ەسكە الۋ كونتسەرتتى ءوتتى. بۇل شارا ەكسپو-2017 كورمەسىنىڭ مادەني باعدارلاماسى اياسىندا ەميليا-رومانيا ايماعى اپتالىعىنىڭ اشىلۋىنا بايلانىستى ۇيىمداستىرىلعان.

بۇل كەشتى وتكىزۋگە ەميليا-رومانيا تەاتر قاۋىمداستىعى (ATER) مەن قازاقستانداعى يتاليا ەلشىلىگى، ل.پاۆاروتتي اتىنداعى قور  اتسالىستى. كونتسەرتتە يتالياندىق ارتىستەر ۆەردي، روسسيني، كۋرتيس وپەرالارىنان اريالار مەن دۋەتتەر، سونىمەن قاتار كراكامپ، بريچچالدي، يۋگا، بورن، دە كرەشەنتسونىڭ اسپاپتىق شىعارمالارىن ورىندادى.

وسى كەشتە «Premio Vittoria Caffa Righetti» حالىقارالىق بايقاۋىنىڭ لاۋرەاتى كلاۋديا ساسسو جانە قازىرگى تاڭدا يتاليادا تۇراتىن قىرعىزستاندىق تالانتتى تەنور جەنيشبەك ىسمانوۆ سىندى ۆوكاليستەر لۋچانو پاۆاروتتي رەپەرتۋارىنداعى تۋىندىلاردى شىرقادى. فورتەپيانو پارتياسىن ءوز شاعىندا لۋچانو پاۆاروتتي وقۋشىلارعا ساباق ۇيرەتكەن كەزدە وعان سۇيەمەلدەمە جاساعان يتالياندىق پيانيست پاولو اندرەولي ورىندادى.

 

Back to top button