قازاقستاندىق بلوگەر كيەۆ تۇبىندە ۇستالىپ، 18 كۇنگە قامالدى

ۋكراينانىڭ كيەۆ-سۆياتوشينسكي سوتى قازاقستاندىق بلوگەر جانار احمەتتى 18 كۇنگە قامادى دەپ حابارلادى بلوگەردىڭ ادۆوكاتى ۆلاديسلاۆ گريششەنكوعا سىلتەمە جاساعان ۋكراينالىق Hromadske اگەنتتىگى.

Hromadske جانار احمەت اشتىق جاريالاپ، سوت شەشىمىنە شاعىمداناتىنىن حابارلادى. بيىل كوكتەمدە قازاقستاننان ۋكرايناعا قاشىپ بارىپ، وسى ەلدەن ساياسي باسپانا سۇراعان جانار احمەت 21 قازاندا كيەۆ تۇبىندە ۇستالعان.

ادۆوكات سوتتا پروكۋروردىڭ تالاپ-ارىزىندا جانار احمەتتى قازاقستاننىڭ قۇزىرلى ورگاندارى «2005-2008 جىلدارى بەلگىلى ءبىر ادامدارعا قاتىستى الاياقتىق ارەكەتتەر جاساعانى ءۇشىن قىلمىستىق كودەكستىڭ 177-بابى 3-تارماعىنىڭ «ب» بولىگى بويىنشا ىزدەپ جاتقانى» ايتىلعانىن حابارلادى. ول پروكۋروردىڭ تالاپ-ارىزىندا بۇعان دەيىن، 2009 جىلى احمەتتىڭ وسىنداي ايىپپەن قىلمىستىق جاۋاپقا تارتىلعانى ايتىلعانىن دا جەتكىزدى.

«قازاقستان كونستيتۋتسياسى، يا ۋكراينا كونستيتۋتسياسى بويىنشا دا ادامدى قىلمىسى ءۇشىن سوتتاپ، جازاسىن وتەگەن سوڭ ەكىنشى رەت جاۋاپقا تارتۋ مۇمكىن ەمەس» دەدى ادۆوكات.

قازاقستاندا جانار احمەت «2005 جىلدىڭ ناۋرىزىنان 2008 جىلدىڭ قازانىنا دەيىن جاساعان الاياقتىق ارەكەتتەرى ءۇشىن» سوتتالعان. 2010 جىلى تامىزدا قازاقستان سوتى جانار احمەتتىڭ جازاسىن وتەۋ مەرزىمىن ۇلى 14 جاسقا تولاتىن 2021 جىلدىڭ 5 قاراشاسىنا دەيىنگى مەرزىمگە شەگەرگەن. قازاقستان بيلىگى جانار احمەتكە ولجاس بالاسىمەن قازاقستاننان ۋكرايناعا كەتىپ قالعان سوڭ ىزدەۋ جاريالاعان. ول قازاقستانان كەتىپ قالۋ سەبەبىن ەلىندە «ساياسي قۋعىن كورۋىمەن» بايلانىستىرادى.

ۇقساس جاڭالىقتار

Back to top button