ءبىر شاقىرىم جول قانشا تۇرادى؟

قر يدم اۆتوموبيل جولدارى كوميتەتى توراعاسىنىڭ ورىنباسارى ساتجان ابلاليەۆتىڭ مالىمدەۋىنشە، رەسەيمەن جانە قىتايمەن سالىستىرعاندا قازاقستاندا جول قۇرىلىسىنا جۇمسالاتىن قارجى سوماسى تومەن. 

«رەسەيمەن سالىستىرساق، بىزدە جول قۇرىلىسىنىڭ قۇنى 30-35 پايىزعا تومەن، ال قىتايعا قاراعاندا 70 پايىز ارزان بولىپ تۇر. بۇل ەلدىڭ گەوگرافيالىق جاعدايىنا، پايدالانىلاتىن ماتەريالداردىڭ باعاسىنا، سالىناتىن جولدىڭ سيپاتتاماسىنا قاراي بايلانىستى بولادى. كوپ ەلدەردە جولدار ۋاقتىلى جوندەلگەننەن كەيىن، وعان جۇمسالاتىن قارجى كوپ بولمايدى. بىزدەگى جولدار وتكەن 80-ءشى جىلدارى سالىنعان، ياعني ولاردى تولىقتاي بۇزىپ، قايتادان قۇرىلىس جۇرگىزىپ جاتىرمىز»، – دەدى ساتجان ابلاليەۆ «قازاقپاراتقا»  بەرگەن سۇحباتىندا.

بۇگىن پارلامەنت سەناتى ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا قر ينۆەستيتسيالار جانە دامۋ ۆيتسە-ءمينيسترى تيمۋر توقتاباەۆ «جەتىباي-جاڭاوزەن»جول  ۋچاسكەسىن قارجىلاندىرۋدىڭ ءمان-جايىن ءتۇسىندىرىپ بەرگەن بولاتىن.

«جەتىباي-جاڭاوزەن» جول ۋچاسكەسى جوباسىندا 1 شاقىرىمى  ء(بىرىنشى ساناتتاعى ءتورت جولاقتى جول) 1،2 ملن دوللار شاماسىندا، ياعني 400 ملن تەڭگە كولەمىندە. «باسقا وڭىرلەردە ەلدى مەكەندەرگە جاقىن جەرلەردە جانە جاساندى قۇرىلىستار كوپ جەرلەردە جول قۇرىلىسىنىڭ قۇنى 600 ملن تەڭگەگە دەيىن جەتەدى»، – دەدى س. ابلاليەۆ.

اتالعان قارجى 73 شاقىرىم ارالىقتاعى ءتورت جانە ەكى جولاقتى قوزعالىسى بار اسفالت-بەتوندى جولدىڭ قۇرىلىسىنا باعىتتالادى. سونىمەن قاتار ءبىر جول ايرىعى، ەكى كوپىر، 19 سۋ وتكىزۋ قۇبىرى سالىنادى. جوبا 2017-2019 جىلدارى جۇزەگە اسىرىلادى.

 

 

ۇقساس جاڭالىقتار

Back to top button