گرەكيا جۋرناليستەرى تاعى دا ەرەۋىلگە شىقتى

گرەكيا جۋرناليستەرى قازان ايىنان بەرى ءۇشىنشى رەت نارازىلىق بىلدىرۋدە. 

بۇگىن باستالعان نارازىلىق اكتسياسىندا گرەكيا جۋرناليستەر كاسىپوداعى، افينا، سالونيك، ماكەدونيا، فراكيا كۇندەلىكتى گازەت جۋرناليستەرى وداعى مەن ەلەكتروندى مەرزىمدى باسىلىم قىزمەتكەرلەرى ەكى تاۋلىك بويى ەشقانداي حابار تاراتپايدى.

26-قازانعا دەيىن سوزىلعان اكتسيا ارقىلى گرەك جۋرناليستەرى مەديتسينالىق ساقتاندىرۋ مەن قوسىمشا تابىستى قىسقارتپاۋىن، ەڭبەك جانە الەۋمەتتىك قۇقىقتارىنىڭ ساقتالۋىن تالاپ ەتۋدە.

سونىمەن قاتار بۇقارالىق اقپارات قۇرالدارى ءسوز بوستاندىعىن قامتاماسىز ەتۋدى سۇراپ وتىر.

ال راديو جانە تەلەۆيدەنيە ەفيرلەرىنەن جاڭالىق بەرىلمەيدى. جاڭالىقتار سايتى دا توقتاپ تۇراتىن بولادى.

 

 

 

ۇقساس جاڭالىقتار

Back to top button