ۇلان-باتوردان – ۇلىتاۋعا

تاياۋدا تۇركى اكادەمياسى حالىقارالىق ۇيىمى (TWESCO) ۇيىمداستىرعان «كەنتايدان ۇلىتاۋعا دەيىن: تاريحي جادىنىڭ جاڭعىرۋى» اتتى ءىىى حالىقارالىق ەكسپەديتسيا ءوز جۇمىسىن باستادى. اكادەميا باسشىسى دارحان قىدىرالى باستاعان ءبىر توپ زەرتتەۋشى مەن جۋرناليستەر موڭعوليا استاناسى ۇلان-باتور قالاسىنا اتتاندى.

اتالعان حالىقارالىق ەكسپەديتسيانىڭ باستى ماقساتى – قر پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا  ايرىقشا نازار اۋدارىلعان – كيەلى جەرلەر مەن تاريحي سانانى جاڭعىرتۋ. ەكسپەديتسيا مارشرۋتى موڭعوليانىڭ كەنتاي ايماعىنداعى شىڭعىس حاننىڭ تۋعان جەرى بۋرحان حالدۋننان باستالىپ، ۇلىتاۋداعى الاشا حان، جوشى حان كەسەنەسىنە دەيىن جالعاساتىن بولادى. بۇل تاريحي ورىنداردىڭ ايرىقشا ماڭىزعا يە ەكەنى بەلگىلى.

ەكسپەديتسيا مۇشەلەرى كەنتاي ايماعىنا اتتانباس بۇرىن موڭعوليا استاناسىندا بىرقاتار كەزدەسۋلەرگە قاتىسادى. بۇل ەكسپەديتسيا TWESCO مەن موڭعوليا ۇلتتىق مۋزەيى اراسىندا 2016 جىلدىڭ تامىز ايىندا بەكىتىلگەن ىنتىماقتاستىق مەموراندۋمى شەڭبەرىندە ۇيىمداستىرىلىپ وتىر. ول قۇجات شىعىس موڭعولياداعى كەنتاي ايماعىنان تابىلعان كونە تۇركى كەشەندەرىنە ارحەولوگيالىق ەكسپەديتسيا جاساقتاپ، بىرلەسكەن قازبا جۇمىستارىن جۇرگىزۋگە مۇمكىندىك بەرەدى. اتالمىش جوبا بارىسىندا قوس ەلدىڭ تاريحىنا تىڭ دەرەكتەر مەن جادىگەرلەر قوسىلادى دەپ ۇمىتتەنەمىز.

 

 

ۇقساس جاڭالىقتار

Back to top button