قارىم-قاتىناسىمىزعا كولەڭكە تۇسكەن ەمەس

مەملەكەت باسشىسى 25 جىل ىشىندە قازاقستان مەن اقش اراسىندا سەنىمدى ىنتىماقتاستىق بايلانىستىڭ بەكىگەنىن اتاپ ءوتتى. «ءبىز بيىل ديپلوماتيالىق قارىم-قاتىناسىمىزدىڭ 25 جىلدىعىن اتاپ وتەمىز. وسىناۋ جىلدار ىشىندە قازاقستان اقش-پەن سەنىمدى سەرىكتەستىك ورناتتى، بۇل قارىم-قاتىناسقا ەشقانداي كولەڭكە تۇسكەن ەمەس. وسى ۋاقىتتا ەنەرگەتيكا جəنە دەموكراتيالىق əرىپتەستىك سالالارىنداعى كەلىسىمدەرگە قول قويىلدى. ءبىز يادرولىق قارۋعا قارسى كۇرەس جۇرگىزۋ مəسەلەسىن بىرلەسە شەشىپ وتىردىق. حالىقارالىق كۇن تəرتىبىندەگى بارلىق مəسەلە بويىنشا قازاقستان مەن ءسىزدىڭ ەلدەرىڭىزدىڭ ۇستانىمى بىردەي بولدى»، – دەدى مەملەكەت باسشىسى.

كەزدەسۋ بارىسىندا ەلباسى قازاقستان مەن امەريكا ىنتىماقتاستىعىن ءəرى قاراي دامىتۋعا نيەتتى ەكەنىمىزدى تىلگە تيەك ەتتى. «قازاقستاندا امەريكا كاپيتالىنىڭ قاتىسۋىمەن 500-دەن استام كومپانيا جۇمىس ىستەپ جاتىر. ولاردىڭ قاتارىندا ەلىمىزدىڭ ەكونوميكاسىنا 40 ميلليارد اقش دوللارىن قۇيعان ءىرى مۇناي كومپانيالارى بار. ءبىز ىنتىماقتاستىعىمىزدى ودان ءəرى دامىتۋعا ءəزىرمىز»، – دەپ اتاپ ءوتتى نۇرسۇلتان ءابىش ۇلى.

ءوز كەزەگىندە دەن برۋيللەتت اقش پرەزيدەنتى دونالد ترامپتىڭ اتىنان مەملەكەت باسشىسىن جəنە بارشا قازاقستاندىقتاردى «ەكسپو-2017» حالىقارالىق كورمەسىنىڭ وتۋىمەن قۇتتىقتادى. «ءبىز ەكىجاقتى قارىم-قاتىناسىمىزدى ەنەرگەتيكا سەكتورىندا عانا ەمەس، سونداي-اق، باسقا سالالاردا دا جالعاستىرۋعا دايىنبىز. مەن بۇگىن قازاقستاننىڭ بىرقاتار  مەملەكەتتىك ورگاندارىنىڭ جەتەكشىلەرىمەن، سونىڭ ىشىندە ەلدەرىڭىزدىڭ ەنەرگەتيكا مينيسترىمەن كەزدەستىم. سونىمەن قاتار، ۆاشينگتون قازاقستاننىڭ دۇنيەجۇزىلىك ساۋدا ۇيىمى مەن ەكونوميكالىق  ىنتىماقتاستىق جəنە دامۋ ۇيىمىنا مۇشە بولۋىنا قولداۋ كورسەتۋگە نيەتتى ەكەنىن جەتكىزەمىن»، – دەدى اقش ەنەرگەتيكا ءمينيسترىنىڭ ورىنباسارى.

ۇقساس جاڭالىقتار

Back to top button