روزا رىمباەۆا ءوزى وقىعان مەكتەپكە ءىرى كولەمدە اقشا اۋداردى

قازاقستاننىڭ حالىق ءəرتىسى، بەلگىلى ءəنشى روزا رىمباەۆا «رۋحاني جاڭعىرۋ» باعدارلاماسى اياسىندا شىعىس قازاقستاندا باستاۋ العان «مەنىڭ مەكتەبىم» جوباسىنا وزىندىك ءۇنىن قوستى. اتاقتى ءانشى ءوزى وقىعان مەكتەبىنە 1 ميلليون تەڭگە اۋداردى، دەپ حابارلايدى قازاقپارات.

ەسكە سالا كەتەيىك، بۇگىن وسكەمەن قالاسىندا شىعىس قازاقستان وبلىسىنىڭ بارلىق كاسىپكەرلەرى باس قوسقان «تۋعان جەر» اتتى اۋقىمدى فورۋم بولىپ وتكەن بولاتىن. ايماق باسشىسى دانيال احمەتوۆ شارا بارىسىندا شىعىس قازاقستاننىڭ كاسىپكەرلەرى ءوڭىردىڭ دامۋىنا زور ۇلەستەرىن قوسىپ، «رۋحاني جاڭعىرۋ» باعدارلاماسى اياسىندا «مەنىڭ مەكتەبىم» اتتى جوباعا بەلسەنە اتسالىسقانىن تىلگە تيەك ەتتى.

دانيال احمەتوۆتىڭ ايتۋىنشا، وسى جوبا ارقىلى ايماقتاعى بارلىق مەكتەپتى زاماننىڭ وزىق بيولوگيا، حيميا، فيزيكا جانە روبوتوتەحنيكا كابينەتتەرىمەن جابدىقتاۋ كوزدەلگەن. «وڭىردەگى بارلىق ءبىلىم وردالارى نازارباەۆ زياتكەرلىك مەكتەبىنەن كەم بولماۋى كەرەك»، – دەيدى ايماق باسشىسى. كاسىپكەرلەر ايماق باسشىسىنىڭ باستاماسىنا قولداۋ ءبىلدىرىپ وتىر.

ولارمەن بىرگە يگى جوباعا ءانشى روزا رىمباەۆا دا ءۇن قوسىپ، ءوزى تۇلەپ ۇشقان جارما اۋدانىناعى ءبىلىم ورداسىنا 1 ميلليون تەڭگە اۋداردى. كəسىپكەرلەر مەن تانىمال تۇلعالار تاراپىنان جينالعان قاراجات «پارىز» اتتى وبلىستىق قورعا اۋدارىلىپ، سول قوردان وڭىردەگى مەكتەپتەرگە باعىتتالماق. ايتا كەتەرلىگى بۇگىنگى كۇنگە دەيىن «مەنىڭ مەكتەبىم» جوباسىنا 2 ملرد 300 ملن تەڭگە جينالعان.

 

ۇقساس جاڭالىقتار

Back to top button