سوچي ءسامميتى: پۋتين مەن نازارباەۆ نە تۋرالى سىبىرلاستى؟ (ۆيدەو)

بۇگىن سوچيدە ءوتىپ جاتقان تمد ەلدەرىنىڭ ءسامميتى بارىسىندا رف پرەزيدەنتى ۆلاديمير پۋتين مەن قازاقستان پرەزيدەنتى نۇرسۇلتان نازارباەۆتىڭ كوپشىلىكتىڭ ورتاسىندا بەيرەسمي تىلدەسۋىنە جينالعاندار اڭتارىلىپ قارادى. 

سامميت وتىرىسى باستالماس بۇرىن پۋتين ادەيىلەپ ورنىنان تۇرىپ، نازارباەۆتىڭ قاسىنا كەلەدى. قىسقا ۋاقىت ىشىندە قوس ەل پرەزيدەنتتەرىنىڭ نە تۋرالى اڭگىمەلەسكەنى بەلگىسىز. ولاردىڭ قاستارىنان قازاقستاننىڭ اقپارات جانە كوممۋنيكاتسيا ءمينيسترى داۋرەن اباەۆتى، قازاقستاننىڭ رەسەيدەگى توتەنشە جانە وكىلەتتى ەلشىسى يمانعالي تاسماعامبەتوۆتى بايقاۋعا بولادى.

ەسكە سالساق، وسى كۇندەرى سوچيدە تمد مەملەكەت باسشىلارىنىڭ ەۆرازيالىق ەكونوميكالىق كەڭەس اياسىنداعى كەزدەسۋلەرى ءوتىپ جاتىر. ەكونوميكالىق وداق قۇرامىنا قازاقستان، رەسەي، بەلارۋس، ارمەنيا جانە قىرعىزستان ەلدەرى كىرەدى.

ۇقساس جاڭالىقتار

Back to top button