قازاقستان تاجىريبەسى شەت ەلدەرگە ۇلگى

قازاقستان عالىمدارىنىڭ رادياتسيامەن لاستانعان جەرلەردى تازالاۋ تاجىريبەسىنە جاپوندىقتار قىزىعۋدا. بۇل تۋرالى ەلوردادا ءوتىپ جاتقان ازياداعى يادرولىق كووپەراتسيالار فورۋمىنىڭ مينيسترلەر دەڭگەيىندەگى 18-كەڭەسى اياسىندا سۇحبات بەرگەن قر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ ايتتى، دەپ حابارلايدى قازاقپارات.

«ءبىزدىڭ قاتتى لاستانعان جەرلەرمەن جۇمىس تاجىريبەمىز بۇكىل الەمدە تالاپ ەتىلىپ وتىر. بىزگە الجيردەن ارىپتەستەرىمىز كەلدى. ولاردا فرانتسۋزداردىڭ پوليگونى بار جانە جەردىڭ لاستانۋى پروبلەماسىمەن بەتپە-بەت كەلىپ وتىر. ولار ءبىزدى وزدەرىنە شاقىرىپ، تاجىريبەمىزبەن ءبولىسۋىمىزدى وتىنۋدە. ەكى اپتادان كەيىن جاپونيانىڭ اتوم ەنەرگياسى اگەنتتىگىندەگى ارىپتەستەرىمىزبەن ارنايى سەمينار وتكىزەمىز. سەمينار سەمەي پوليگونىندا جيناقتاعان تەحنولوگيالارىمىزدى، تاجىريبەمىزدى ۇيرەتۋگە ارنالادى. بۇدان كەيىن ولار ونى وزدەرىنىڭ ەكوولوگيالىق پروبلەمالارىن شەشۋ ءۇشىن قولدانباق»، – دەدى ەرلان باتىربەكوۆ.

ۇقساس جاڭالىقتار

Back to top button