بوزىمباەۆ: تاعدىرىم پرەزيدەنتتىڭ قولىندا

حالىقتان بەنزين نارىعىندا ورىن العان پروبلەمالار ءۇشىن كەشىرىم سۇراۋىمىز قاجەت. مۇنداي پىكىردى بۇگىن قر ۇكىمەتىنىڭ سەلەكتورلىق رەجىمدەگى وتىرىسىنان كەيىن ەنەرگەتيكا ءمينيسترى قانات بوزىمباەۆ ءبىلدىردى، دەپ حابارلايدى قازاقپارات.

«مەن وسى ۇكىمەتتىڭ ءمينيسترىمىن. تاعدىرىم پرەزيدەنتتىڭ قولىندا تۇر. مەملەكەت باسشىسى قالاي ايتسا، مەن سولاي ىستەيمىن. بۇل جەردە قولدى ءتۇسىرۋدىڭ قاجەتى قانشا. جاعداي ورىن الىپ وتىر، ونى تەز ارادا رەتكە كەلتىرۋىمىز، حالىقتىڭ الدىندا ەلىمىزدە وسىنداي پروبلەما تۋىنداعانى ءۇشىن كەشىرىم سۇراۋىمىز قاجەت. بىراق، ونىڭ دا وبەكتيۆتى سەبەپتەرى بولدى»، – دەدى قانات بوزىمباەۆ باق وكىلدەرىنىڭ بەنزين توڭىرەگىندە ورىن الىپ وتىرعان جايتقا بايلانىستى وتستاۆكاعا كەتۋىڭىز مۇمكىن بە دەگەن ساۋالىنا وراي.

سونىمەن قاتار ول قر پرەمەر-ءمينيسترى باقىتجان ساعىنتاەۆتىڭ سوگىس بەرۋ ءۇشىن ەلباسى نۇرسۇلتان نازارباەۆقا ۇسىنىسحات جولدايتىندىعىنا قاتىستى پىكىرىن دە ءبىلدىردى. «پرەمەر-مينيستر مەنىڭ تىكەلەي باسشىم. سوندىقتان ونى تالقىلايتىن ەشقانداي مۇمكىندىگىم جوق»، – دەدى بوزىمباەۆ.

 

ۇقساس جاڭالىقتار

Back to top button