قازاقستاندا قۇراستىرىلعان اۆتوموبيل تاجىك نارىعىنا شىقتى

قازاقستاندا قۇراستىرىلعان اۆتوموبيلدەر تاجىك نارىعىنا شىقتى. دۋشانبەدە قازاقستاندا شىعارىلعان اۆتوموبيلدەردىڭ 55 دانا العاشقى پارتياسىن «حولدينگ ازيا گرۋپپ تادجيكيستان» جاق تاكسوموتور پاركىنە تاپسىرۋعا ارنالعان سالتاناتتى ءىس-شارا ءوتتى.

بۇل جايىندا قازاقستاننىڭ تاجىكستانداعى ەلشىلىگىنەن ءمالىم ەتتى، دەپ حابارلايدى قازاقپارات. شاراعا قازاقستاننىڭ تاجىكستانداعى ەلشىسى نۇرلان سەيتىموۆ، تاجىكستان رەسپۋبليكاسىنىڭ كولىك ءمينيسترى حۋدويور حۋدويورزودا، دۋشانبە قالاسى توراعاسىنىڭ ورىنباسارى كۋربون تاگاي سايدزودا، سونداي-اق ىسكەر، قوعامدىق ورتالار مەن باق وكىلدەرى قاتىستى. ن.سەيتىموۆ قازاقستان مەن تاجىكستاننىڭ اراسىنداعى ءوزارا ساۋدانىڭ جوعارى دەڭگەيىن اتاپ ءوتتى. بۇل ورايدا، قازاقستان سوڭعى جىلدارى تاجىكستاننىڭ نەگىزگى سىرتقى ساۋدا سەرىكتەستەرىنىڭ ۇشتىگىنە كىرەدى. 2017 جىلى قاڭتار-تامىزدا قازاقستان مەن تاجىكستان اراسىنداعى تاۋار اينالىمىنىڭ كولەمى 525،1 ملن اقش دوللارىن قۇراپ، ول 2016 جىلدىڭ سايكەس كەزەڭىمەن سالىستىرعاندا 29،7 پايىزعا جوعارى بولدى. سونىمەن قاتار ەلشى ەكى ەلدىڭ شارۋاشىلىق سۋبەكتىلەرى اراسىندا تاجىكستانعا قازاقستاندىق تاۋارلاردى جەتكىزىلىمى كەزىندەگى كووپەراتسيالىق بايلانىستاردى ارتتىرۋداعى «KazakhExport» ەسك» اق-نىڭ ماڭىزدى رولىنە نازار اۋداردى. «KazakhExport» قۇرالدارى مەن مۇمكىندىكتەرىن تانىستىرىپ، ەلشىلىك تاراپىنان وسى كومپانيا مەن تاجىكستاندىق يمپورتەرلەر اراسىنداعى بايلانىستاردى دامىتۋعا قاجەتتى جاردەم كورسەتۋگە دايىندىعىن ءبىلدىردى. ەستەرىڭىزگە سالا كەتسەك، بيىلعى جىلدىڭ ءساۋىر ايىندا «KazakhExport» ەكسپورتتىق ساقتاندىرۋ كومپانياسى» اق قولداۋىمەن قازاقستاندىق اۆتووندىرۋشىلەر  («سارىارقااۆتوپروم» جانە «Hyundai Trans Auto») مەن «ازيا گرۋپپ تادجيكيستان» حولدينگى اراسىندا 2000 اۆتوموبيل (1000 «Peugeot 2012» ماركىسى جانە 1000 «JAC S3» ماركىسى) جەتكىزۋگە جالپى قۇنى 24 ملن اقش دوللارىن قۇرايتىن كەلىسىمشارت جاسالعان بولاتىن.

ۇقساس جاڭالىقتار

Back to top button