ەردوعان تەگەراندا كۇردىستان ماسەلەسىن تالقىلاماق

ەردوعان تەگەراندا كۇردىستان ماسەلەسىن تالقىلاماق. تۇركيا پرەزيدەنتى رەجەپ ەردوعان يران پرەزيدەنتى حاسسان روۋحانيمەن جانە رۋحاني كوسەمى اياتوللا ءالي حامەنەيمەن كەلىسسوز جۇرگىزۋ ءۇشىن تەگەرانعا بارا جاتىر.

4 قازاندا بولاتىن كەزدەسۋدە تاراپتار يراكتىڭ كۇردىستان اۆتونومياسىنىڭ تاۋەلسىزدىك الۋ جونىندە رەفەرەندۋم وتكىزۋ ماسەلەسى تالقىلانباق. كۇرد دياسپورالارى تۇراتىن تۇركيا مەن يران رەفەرەندۋمعا قارسى شىققان.

«ەردوعاننىڭ يرانعا ساپارىنا تۇرتكى بولعان ەڭ ءبىرىنشى نارسە – يراك كۇردىستانىنداعى داعدارىس» دەدى فرانتسيانىڭ بۋرگۋندي بيزنەس مەكتەبىنىڭ يران بويىنشا ساراپشىسى جامشيد اسسادي «امەريكا داۋىسى» راديوسىنا.

«ولار يراك كۇردىستانىنىڭ تاۋەلسىزدىك العانىن قالامايدى، سەبەبى ول باسقا ەلدەردە، اسىرەسە تۇركيا مەن يراندا دا وسىنداي پروتسەسكە جول اشاتىنىن بىلەدى» دەدى ساراپشى.

يراكتىڭ كۇردىستان اۆتونومياسىندا 25 قىركۇيەكتە تاۋەلسىزدىك الۋ جونىندە رەفەرەندۋم وتكەن. اۆتونوميا بيلىگى داۋىس بەرۋگە قاتىسقانداردىڭ 92 پايىزدان استامى «تاۋەلسىزدىكتى قولداعانى» تۋرالى حابارلاعان.

اقش پەن باتىس ەلدەرى جانە بۇۇ دا كۇردىستانداعى رەفەرەندۋم يراكتا تۇراقسىزدىق ورناتىپ، «يسلام مەملەكەتى» ەكسترەميستىك ۇيىمىنا قارسى سوعىسقا كەدەرگى كەلتىرۋى مۇمكىن دە قارسىلىق بىلدىرگەن.

روۋحاني ەردوعانمەن 10 قىركۇيەكتە استانادا وتكەن يسلام ىنتىماقتاستىق ۇيىمى ءسامميتىنىڭ اياسىندا كەزدەسكەن.

 

ۇقساس جاڭالىقتار

Back to top button