كيىك اتقان براكونەرلەر 75 ملن تەڭگە تولەدى

اقتوبە وبلىسىندا 19  كيىك تەكەسىن اتقانى ءۇشىن ءتورت براكونەر 75 ميلليون تەڭگە تولەدى، دەپ حابارلاندى وبلىستىق سوتتىڭ سايتىندا.

ىرعىز اۋداندىق سوتىندا ن.، م.، ب. جانە  ك.-نى قازاقستان رەسپۋبليكاسى قىلمىستىق كودەكسىنىڭ 337-بابى 5-بولىگى 2-تارماعىمەن (زاڭسىز اڭشىلىق – اسا ءىرى زالال كەلتىرە وتىرىپ، جارىلعىش قۇرىلعىلاردى نەمەسە جانۋارلاردى جاپپاي قىرىپ-جوياتىن وزگە دە قۇرالداردى قولدانىپ، سول سياقتى اۆيا، اۆتو، موتوكولىك قۇرالدارىن، ونىڭ ىشىندە قاردا جۇرەتىن تەحنيكانى نە شاعىن كولەمدى كەمەلەردى قولدانىپ زاڭسىز اڭ اۋلاۋ) ايىپتاۋ تۋرالى قىلمىستىق ءىسى قارالدى.

سوتتا انىقتالعانداي، ولار الدىن الا ءسوز بايلاسقان ادامدار توبى بولىپ، قاساقانا پايداكۇنەمدىك نيەتتەرىمەن، اۋلاۋعا تولىق تىيىم سالىنعان كيىك اڭىنا زاڭسىز اڭشىلىق جاساپ، مەملەكەتكە اسا ءىرى مولشەردە زالال كەلتىرۋ ماقساتىندا، «ءۇامانا» ي «ءArستىسات» ماركالى قارشانا تەحنيكالارىن پايدالانىپ جانە «مر-155» مودەلدى 12 كاليبرلى 7 اتار اڭشى مىلتىعىن قولدانىپ، «№1-اتانباس»، «تەبىزسوردا» ( ەرەكشە قورعالاتىن تابيعي اۋماق) زاڭسىز اڭشىلىق جاساپ، 19 باس كيىك تەكەسىن اتىپ العان. ولار مەملەكەتكە بارلىعى 77 599 800 تەڭگە مولشەردە اسا ءىرى مولشەردە زالال كەلتىرگەن»،-دەلىنگەن سوت حابارلاماسىندا.

سوتتا سوتتالۋشىلار ن. پەن م. ءوز كىنالارىن تولىق مويىندادى جانە كەلتىرىلگەن شىعىننىڭ ءبىر بولىگىن وتەدى. ب. مەن ك. كىنالارىن مويىنداعان جوق جانە وزدەرىن اقتاۋدى سۇرادى. سوت ۇكىمىمەن ن.، م.، ب. جانە ك. قازاقستان رەسپۋبليكاسى قك-ءنىڭ 337-بابى 5-بولىگى 2-تارماعىمەن كىنالى دەپ تانىلىپ، ن. پەن م. ءۇش جىلدان، ال ب. پەن ك. ءتورت جىلدان باس بوستاندىعىنان ايىرۋ جازالارى تاعايىندالدى جانە سوتتالعاندار اڭ اۋلاۋ قۇقىعىنان، اڭ اۋلاۋ قارۋىن، ونىڭ وق-دارىلەرىن ساقتاۋ مەن الىپ ءجۇرۋ قۇقىقتارىنان بەس جىل مەرزىمگە ايىرىلدى.

سونىمەن قاتار، ازاماتتىق تالاپ ارىز قاناعاتتاندىرىلىپ، سوتتالعانداردان ورتاقتاسقان تۇردە مەملەكەت كىرىسىنە 73 199 800 تەڭگە مولشەردە كەلتىرىلگەن زالال، 2 195 994 تەڭگە مولشەردە مەملەكەتتىك باج ءوندىرىلدى. قىلمىس قۇرالى – قارشانا تەحنيكالارى جانە اڭشى مىلتىعى مەملەكەت پايداسىنا تاركىلەندى، قالعان ايعاق زاتتار قۇندىلىعى بولماۋىنا بايلانىستى جويىلدى. ۇكىم زاڭدى كۇشىنە ەندى.

 

ۇقساس جاڭالىقتار

Back to top button