ەكسپو كورمەسىنىڭ قاۋىپسىزدىگىن قاداعالاعان ماماندار ماراپاتتالدى

استانادا ىشكى ىستەر مينيسترلىگىنىڭ 3 مىڭنان استام قىزمەتكەرى ماراپاتتالدى، – دەپ حابارلايدى 24.kz ارناسى.

ولار – ءۇش ايعا سوزىلعان EXPO 2017 كورمەسىنىڭ قاۋىپسىزدىگىن قاداعالاعان ماماندار. حالىقارالىق شارا كەزىندە قوعامدىق ءتارتىپتى قاداعالاۋعا كۇشتىك قۇرىلىم وكىلدەرىنىڭ 5 مىڭداي قىزمەتكەرى اتسالىستى. ولاردىڭ قاتارىندا پوليتسەيلەر، ۇلتتىق گۆارديانىڭ ساربازدارى، ارنايى قىزمەت ماماندارى، توتەنشە جاعداي قىزمەتى، كۋرسانتتار جانە جەكە كۇزەت مەكەمەلەرى مەن شەت ءتىلىن بىلەتىن ەرىكتىلەر بار. بارلىعى دا سەنىمدى اقتاپ شىقتى. وسىعان وراي ەلىمىزدىڭ ىشكى ىستەر مينيسترلىگى تاراپىنان ماراپاتقا يە بولدى.

اتاپ ايتقاندا، 3 276 قۇقىق قورعاۋشىعا العىس حات، 10-ىنا «قازاقستان پوليتسياسىنا 25 جىل» مەدالى، 22-سىنە باعالى سىيلىقتار تاپسىرىلدى. ال كەيبىرىنىڭ لايىقتى قىزمەتى ءۇشىن شەنى كوتەرىلدى.

«EXPO 2017 مامانداندىرىلعان كورمەسىن جاۋىپ، 2017 جىلى 11 قىركۇيەكتە ءىىد باسشىلارىنىڭ قولداۋىمەن «مايور» شەنىن الدىم. بارلىق وسى حالىقارالىق EXPO 2017 كورمەسىنە قاتىسقان قىزمەتشىلەرگە العىسىمدى ايتقىم كەلەدى. قازاق ەلى، قازاقستان پوليتسياسى جاساي بەرسىن!»، – دەدى پوليتسيا مايورى دۇيسەنباەۆ سايات.

ۇقساس جاڭالىقتار

Back to top button