ەكسپو كەزىندە ەلورداعا 12 ميلليوننان استام ادام كەلگەن

ەلوردادا كولىكتەگى ءىىد «ەحرو-2017» كورمەسىن وتكىزۋ كەزىندە ەلىمىزدەگى اۆيا جانە تەمىرجول نىساندارىنداعى قاۋىپسىزدىك پەن قۇقىقتىق ءتارتىپتى قامتاماسىز ەتكەن ۆەدومستۆونىڭ جۇمىس ناتيجەلەرىن جاريالادى، دەپ حابارلادى كولىكتەگى ءىىد ءباسپاسوز قىزمەتى.

اكىمشىلىك پوليتسيا باسقارماسى تاراتقان حابارلاماعا قاراعاندا، كولىكتەگى ءىىد جەكە قۇرامى 10 شىلدەدەن 10 قىركۇيەك ارالىعىندا قىلمىستىڭ ءىزىن كەسۋ جانە الدىن الۋ ءۇشىن كۇشەيتىلگەن رەجيمدە جۇمىس ىستەدى. قوعامدىق ءتارتىپتى كۇزەتۋ ءۇشىن ءبىر تاۋلىكتە 270 قىزمەتكەر تارتىلعان.

كورمەنىڭ العاشقى كۇنىنەن باستاپ كولىك پوليتسەيلەرى استانا-1 جانە «نۇرلى جول» تەمىرجول ۆوكزالدارىندا، سونداي-اق «نۇرسۇلتان نازارباەۆ» حالىقارالىق اۋەجايىندا جولاۋشىلار مەن شەتەلدىك قوناقتاردىڭ قاۋىپسىزدىگىن قامتاماسىز ەتۋ ءۇشىن بىرقاتار شارالار كەشەنىن قابىلداپ، جۇرگىزدى.

وسى كەزەڭدە استاناعا تەمىرجول كولىگىمەن 12 ملن 177 مىڭ 797 ادام، ال اۋە كولىگىمەن – 744 مىڭ 448 ادام كەلگەن. ءىس-شارا وتكىزۋ كەزەڭىندە جوعارىدا كورسەتىلگەن نىسانداردا 12781 قۇقىق بۇزۋشى، سونىڭ ىشىندە ۇساق بۇزاقىلىق ءۇشىن 350 ادام، قوعامدىق ورىندى لاستاعانى ءۇشىن 104 ادام، الكوگولدىك ىشىمدىك ىشكەنى ءۇشىن 1276 ادام، تىيىم سالىنعان جەردە تەمەكى شەككەنى ءۇشىن 810 ادام، تىيىم سالىنعان جەردە ساۋدامەن اينالىسقان 1242 ادام جانە ت.ب. اكىمشىلىك جاۋاپقا تارتىلدى.

 

ۇقساس جاڭالىقتار

Back to top button