پىشاق جاراقاتىن العان ۇلتتىق ۇلان كۋرسانتى مەرت بولدى

سولتۇستىك قازاقستان وبلىسىندا قر ۇلتتىق ۇلانى اسكەري ينستيتۋتىنىڭ كۋرسانتى پىشاق جاراقاتتارى سالدارىنان كوز جۇمدى. بۇل تۋرالى ۇلتتىق ۇلاننىڭ ءباسپاسوز قىزمەتى حابارلادى. 

7 قىركۇيەك كۇنى ساعات 14.45-تە ۇلتتىق ۇلاننىڭ اسكەري ينستيتۋتىنىڭ لازارەتىنە 3-ءىنشى كۋرستىڭ كۋرسانتى، قاتارداعى سارباز گ.ا.تۇرسىن سۇعىلعان پىشاق جاراقاتىمەن جەتكىزىلدى.

مەديتسينالىق پەرسونال جانە وقيعاعا بايلانىستى شۇعىل جەتكەن ەكى جەدەل جاردەم بريگاداسى وعان جان-جاقتى مەديتسينالىق كومەك كورسەتكەن. الايدا، ولاردىڭ كۇش-جىگەرى ناتيجەسىز بولىپ، ساعات 15.45-تە كۋرسات كوز جۇمدى.

قازىرگى ۋاقىتتا بولعان جاعدايدىڭ ءمان-جايى انىقتالۋدا. قىزمەتتىك تەكسەرۋ باستالدى. ينستيتۋتتا سقو ءىىد-ءنىڭ شۇعىل-تەرگەۋ توبى، اسكەري-تەرگەۋ باسقارماسى مەن پەتروپاۆل گارنيزونى اسكەري پروكۋراتۋراسىنىڭ قىزمەتكەرلەرى جۇمىس ىستەۋدە. وقيعاعا ەكى اسكەري قىزمەتشى اراسىنداعى ءوزارا تۇسىنىسپەۋشىلىك سەبەپ بولعان. ەكىنشى اسكەري قىزمەتشىنىڭ ەسىمى انىقتالدى، بىراق تەرگەۋ مۇددەسىنە وراي جاريالانبايدى. قر ۇلتتىق ۇلانىنىڭ باسشىلىعى كۋرساتتىڭ تۋىس-تۋعاندارى مەن جاقىندارىنا قايعىرا كوڭىل ايتادى. قازا بولعان كۋرسانت عالىمجان تۇرسىن 1997 جىلى 11 قاراشادا دۇنيەگە كەلگەن. ۇلتتىق ۇلانعا 2015 جىلدىڭ 3 تامىزىندا قابىلداندى.

 

ۇقساس جاڭالىقتار

Back to top button