اقتوبە وبلىسىنداعى ورتتەن تاعى 2 ادام قازا تاپتى

سۇلۋكول اۋىلى ماڭىندا بولعان دالا ورتىنەن قازا تاپقانداردىڭ سانى 4 ادام بولدى، – دەپ حابارلايدى 24.kz ارناسى.

اقتوبە وبلىسى، ايتەكە بي اۋدانىندا وسى وقيعا بولعان كۇنى اۋىلدىق وكرۋگتىڭ 38 جاستاعى اكىمى مەن 39 جاستاعى مەكتەپ مۇعالىمى كوز جۇمعان ەدى. اۋرۋحاناعا اۋىر جاعدايدا جەتكىزىلگەن تاعى ەكى تۇرعىن تۇندە قايتىس بولدى. مارقۇمداردىڭ دەنەسىن كۇيىك شالعان. وبلىس ورتالىعىنان سانيتارلىق اۆياتسيا قىزمەتى بارىپ، قاجەتتى مەديتسينالىق كومەك كورسەتتى. استاناداعى كۇيىك ورتالىعىنىڭ بىلىكتى ماماندارى تەلەمەديتسينا ارقىلى كەڭەس بەرىپ وتىرعان. الايدا ناۋقاستاردى قۇتقارۋ مۇمكىن بولمادى.

ايتا كەتەيىك، كۇننىڭ ىستىعىندا تۇتانعان وت 15 مىڭ گەكتار القاپقا تاراپ، جەرگىلىكتى اكىمدىك پەن ەرىكتىلەر توبى ءورتتى وزدەرى سوندىرمەك بولعان.

«زارداپ شەككەن 2 ادام وكىنىشكە وراي قايتىس بولدى. ەكى مامان رەانيموتولوگ جانە كومبۋستيولوگ دارىگەر، كۇيىك دارىگەر قاستارىندا بولدى. 90-95-100 پايىزداي كۇيىكتەرى بولدى. مەديتسينا تىلىمەن ايتقاندا، تەرموينگالياتسيالىق دەمالۋ جولدارىنىڭ كۇيىگى. ول ەڭ قاۋىپتى جاعدايدىڭ ءبىر ءتۇرى»، – وبلىستىق جەدەل-جاردەم اۋرۋحاناسى باس دارىگەرىنىڭ ورىنباسارى مارات جانقۇلوۆ.

ۇقساس جاڭالىقتار

Back to top button