وزبەكستاندا قازاق مەكتەبى اشىلدى

وڭتۇستىك قازاقستان وبلىسىمەن ىرگەلەس جاتقان وزبەكستاندا قازاق مەكتەبى اشىلدى، دەپ حابارلايدى 24.kz ارناسى.

ءبىلىم وشاعى ناۆوي وبلىسىنىڭ ۇشقۇدىق اۋدانىنا قاراستى جۇزقۇدىق اۋىلىندا بوي كوتەردى. ءبىلىم بەرۋ مەكەمەسى قاجەتتى قازاق ءتىلدى جانە باسقا دا وقۋلىقتارمەن، سونداي-اق ادەبيەتتەرمەن قامتاماسىز ەتىلگەن. ال كومپيۋتەرلىك سىنىپتا وقۋشىلاردىڭ اقپاراتتىق-كوممۋنيكاتسيالىق تەحنولوگيالاردى كەڭىنەن پايدالانۋىنا بارلىق جاعداي بار.

مەكتەپ كابينەتتەرى زامان تالاپتارىنا ساي جابدىقتالدى. قازاقستاننىڭ وزبەكستانداعى ەلشىلىگى مەن وسى ەلدەگى قازاق ۇلتتىق مادەني ورتالىعى ءبىلىم وشاعىنا قاجەتتى وقۋ قۇرالدارىن، پلانشەتتەر مەن قازاق تىلىندەگى 3 مىڭ كىتاپتى سىيعا تارتتى.

«بۇل جەردە ساباقتار قازاق تىلىندە جۇرەتىنى جانە قازاق وقۋلىقتارىنىڭ بارى قۋانتادى. اۋىل شالعايدا جاتسا دا، مۇندا بارىنشا جاعداي جاسالعان. مەكتەپ كومپيۋتەرلىك سىنىپپەن جابدىقتالدى. وزبەكستان پرەزيدەنتى وسىنداي سىي جاساپ وتىرعانىنا ريزامىز»، – دەيدى قر وزبەكستان رەسپۋبليكاسىنداعى توتەنشە جانە وكىلەتتى ەلشىسى ەرىك ۇتەمباەۆ.

ۇقساس جاڭالىقتار

Back to top button