كوكشەتاۋدا جول جوندەۋ ءۇشىن 4،5 ملرد تەڭگە ءبولىندى

كوكشەتاۋدا بيىل جول جوندەۋگە 4،5 ميلليارد تەڭگەگە جۋىق قارجى ءبولىنىپ وتىر، – دەپ حابارلايدى 24.kz ارناسى.

ارنانىڭ حابارلاۋىنشا، ونىڭ 3 ملرد تەڭگەسى ەل قازىناسىنان قاراستىرىلسا، قالا ىشىندەگى كوشەلەرگە وبلىستىق بيۋدجەتتەن قاراجات بولىنگەن. وسى ارقىلى شاھارداعى بىرنەشە كوشە كۇردەلى جوندەۋدەن وتكىزىلىپ، قالانىڭ كىرەبەرىسىندە بۇرىن-سوڭدى بولماعان ءتورت جولاقتى كەڭ جول پايدا بولادى.

كوكشەتاۋدىڭ كىرەبەرىس قاقپاسىنداعى بۇل جولدىڭ ۇزىندىعى، ياعني جاڭارتىلاتىن اۋماعى 11 شاقىرىم. ونىڭ 4 شاقىرىمى بيىل، ال قالعانى كەلەسى جىلى سالىنادى. قالادان شىققاننان قاقپاعا دەيىنگى ارالىق 6 جولاقتى بولسا، ودان ءارى 4 جولاقتى بولىپ جالعاسادى. ال جاڭا جول الداعى جىلدىڭ كۇزىندە پايدالانۋعا بەرىلمەك.

ءتورت جولاقتى جول قالا ىشىندە دە پايدا بولادى. ماماندار: «مالىك عابدۋللين كوشەسى داڭعىلعا اينالادى»، – دەپ وتىر. بۇرىن ەنى 7 مەتر عانا بولعان بۇل كوشە ەندى 15 مەترگە دەيىن كەڭەيتىلمەك. وسىلايشا ماكسيم گوركي كوشەسىنىڭ جۇكتەمەسىن ازايتۋ كوزدەلگەن.

سونداي-اق بيىل تاشەنوۆ كوشەسىنىڭ «شىعىس» بازارى اۋماعىنداعى تۇسى دا كۇردەلى جوندەۋدەن وتكىزىلىپ جاتىر. بۇرىن بۇل جەرلەر ويدىم-ويدىم بولىپ، جۇرگىزۋشىلەردى ابدەن ابىگەرگە سالعان ەدى. ال 2018 جىلى ناۋرىزباي باتىر جانە ۆاۆيلوۆ كوشەلەرى دە تولىقتاي قالىپقا كەلتىرىلمەك.

ۇقساس جاڭالىقتار

Back to top button