چيليدە تاكسي جۇرگىزۋشىلەرى شەرۋگە شىقتى

چيلي استاناسى سانتياگودا تاكسي جۇرگىزۋشىلەرى شەرۋگە شىعىپ، اۋەجايعا باراتىن جولدى جاۋىپ تاستادى، – دەپ حابارلايدى 24.kz ارناسى.

ارنانىڭ حابارلاۋىنشا، اكتسياعا قاتىسۋشىلار جولاۋشى تاسىمالداۋمەن اينالىساتىن Uber جانە كەبيفاي ءموبيلدى قوسىمشا قىزمەتىنە نارازى. سونىڭ سالدارىنان ۇزىنسونار كەپتەلىس قالىپتاسىپ، جولاۋشىلار اۋەجايعا جاياۋ بارۋعا ءماجبۇر. ال ايماقتاعى ءىرى LATAM Airlines اۋە كومپانياسىمەن بيۋدجەتتىك Sky-دىڭ رەيستەرى كەيىنگە شەگەرىلدى.

پوليتسيانىڭ مالىمدەۋىنشە، شەرۋ كەزىندە 1 ادام قازا تاۋىپ، تاعى 15-ءى قاماۋعا الىندى. ال ەلدە ءموبيلدى قىزمەت كورسەتۋ جۇمىسىن رەتتەيتىن زاڭناما ءالى جوق. سوندىقتان ۋبەر سياقتى قوندىرعى «كولەڭكەلى جۇيە» ارقىلى جۇمىس ىستەپ كەلەدى. وسىنىڭ سالدارىنان زاڭدى تاكسي بىرلەستىكتەرى شىعىنعا بەلشەدەن باتىپ وتىر.

«بۇگىن تاڭەرتەڭ بولعان وقيعا ءچيليدىڭ بەدەلىنە زور نۇقسان كەلتىرىپ، اۋە كومپانيالارى مەن ساياحاتشىلار ەداۋىر زارداپ شەكتى. اكتسيانىڭ سالدارىنان برازيليا ازاماتى قازا تاپتى. بۇل دۇرىس ەمەس»، – دەيدى  سانتياگو مەتروپوليتەن ايماعىنىڭ گۋبەرناتورى كلاۋديو وررەگو.

ۇقساس جاڭالىقتار

Back to top button