Әлемдегі ең қарт адам Кабардин-Балқарда тұрады

Кабардин-Балқардағы Баксан ауданында тұратын 127 жастағы Нану Шаова ресми түрде Ресейдегі ең қарт адам болып танылды. «Ресей рекордтар кітабының» бас редакторы Станислав Коненко ұзақ ғұмыр кешкен кейуанаға салтанатты түрде тиісті сертификат тапсырды, деп хабарлайды республиканың сайты. Станислав Коненконың айтуынша, Нану Шаова ұзақ жасаудан тек ресейлік ғана емес, әлемдік рекордтың иесі. Бұдан бұрын Астрахань облысы Красноярск ауданының тұрғыны Танзиля Бисембеева ресейдің ең қарт адамы  болып есептеліп келген еді.