Бейсенбі, 9 Ақпан, 2023

Үсенов Бангкокте жауапқа тартылмады

Тайланд әуежайының полициясы Мақсат Үсеновті жауапқа тартқан жоқ. Бұл туралы Facebook желісінде ҚР СІМ ресми өкілі Әнуар Жайнақов хабарлады, – деп жазады Tengrinews.kz.

«Тайланд елордасының құқық қорғау органдарының өкілдері қазақстандық дипломаттарға азамат Үсеновке қатысты тексеріс жүргізілгенін хабарлады. Оның Бангкокке Вьетнамға бара жатқан жолда транзитпен тоқтағаны белгілі болды. Осыны ескере отырып, полиция қызметкерлері Вьетнам әуе компаниясының өкілдеріне хабарласып, біздің отандасымыздың оқиғасын хабарлады. Үсеновтің тәртіпті сақтауға және экипаждың талаптарын орындауға келісім бергеннен кейін Вьетнам әуе компаниясы оны бортқа алуға келісім берді», – деп хабарлады Жайнақов.

Осылайша, оның айтуынша, Бангкок полициясы жағдайларды ескере отырып, тәртіп бұзған адамды қамауға алмай, жауапқа тартудан бас тартыпты.

Мақсат Үсенов Бангкоктен Хошиминге жергілікті уақыт бойынша сағат 11:20-де ұшып кетіпті.

«Өз атымнан айтарым, кез келген жолаушының ұшақ бортында мұндай бейадекват әрекеті наразылық қана емес, оған деген аяушылық сезімін туғызады. Чуковскийдің «Мойдодырынан» «Стыд и срам!» деген сөзі ғана еске оралады», – деп жазды СІМ ресми өкілі.
 

Байқау айқын
Байқау айқын

Ұқсас жаңалықтар

Back to top button